‘రాధే శ్యామ్’ కోసం ‘గుండె ఒక్కటే… రెండు చప్పుళ్ళు’ మెలోడీ సాంగ్

Nagumomu Song :
ప్రభాస్ హీరోగా నటిస్తున్న ‘రాధే శ్యామ్’పై అంచనాలు ఎలాఉన్నాయో ప్రత్యేకంగా చెప్ప‌న‌వ‌స‌రం లేదు. పాన్ ఇండియన్ స్థాయిలో ఈ సినిమా కోసం వేచి చూస్తున్నారు ప్రభాస్ ఫ్యాన్స్. ఈ సినిమా ప్రమోషన్స్ కూడా వేగంగా జరుగుతున్నాయి. తాజాగా ఈ సినిమా నుంచి ఓ ఇంట్రెస్టింగ్ పోస్టర్ విడుదలైంది. గుండె ఒక్కటే అయినా.. రెండు చప్పుళ్ళు ఉంటాయంటూ రాధే శ్యామ్ యూనిట్ ఓ ఆసక్తికరమైన పోస్టర్ విడుదల చేసారు. ఇదిప్పుడు సోషల్ మీడియాలో వైరల్ అవుతుంది. ఈ పోస్టర్‌లో ప్రభాస్, పూజా హెగ్డే ఇద్దరూ పరదా చాటున ఎంతో అద్భుతంగా ఉన్నారు. కొంత గ్యాప్ తరువాత రెబ‌ల్‌స్టార్ ప్రభాస్ రొమాంటిక్ జానర్ లో చేస్తున్న సినిమా ‘రాధే శ్యామ్‌’

ప్ర‌భాస్ విక్ర‌మాదిత్యగా ప్ర‌త్యేకమైన క్యారెక్ట‌రైజేష‌న్ లో కనిపించబోతున్నారు. ఇది గొప్ప ప్రేమ‌క‌థ అని మెష‌న్ పోస్ట‌ర్‌తోనే రివీల్ అయ్యింది. మొన్న విడుదలైన విక్రమాదిత్య క్యారెక్ట‌ర్ టీజ‌ర్.. ‘ఈ రాతలే’ పాటకు కూడా ప్రపంచ వ్యాప్తంగా  అద్భుతమైన స్పందన వచ్చింది. యూ ట్యూబ్‌లో రికార్డులు తిరగరాసింది ఈ పాట. అలాగే ఈ పాటలో పంచభూతాలను కలిపి చూపించారు. వింటేజ్ బ్యాక్‌డ్రాప్‌లో ఇట‌లీలో జ‌రిగే ప్రేమ‌క‌థగా “రాధే శ్యామ్” చిత్రాన్ని తెర‌కెక్కిస్తున్నారు దర్శకుడు కెకె రాధాకృష్ణ కుమార్.

తాజాగా ఈ సినిమా One Heart.. Two Heart Beats.. పోస్టర్ విడుదలైంది. అంటే ఒకే సినిమానే అయినా కూడా రెండు భాషలకు కనెక్ట్ అయ్యేలా అద్భుతమైన సంగీతం అందించబోతున్నారని దీని అర్థం. ఇండియన్ సినిమా హిస్టరీలో ఒకేసారి ఒక సినిమాకు రెండు భాషల్లో వేర్వేరు సంగీత దర్శకులు పని చేయడం ఇదే తొలిసారి. ఈ నేప‌థ్యంలో 29 న‌వంబ‌ర్ సాయంత్రం 7 గంల‌కు, రాధేశ్యామ్ మ్యూజిక్ ఆల్బ‌మ్ నుంచి సెకండ్ సింగిల్ సాంగ్ ‘న‌గుమోము తార‌లే’ టీజ‌ర్ ను విడుద‌ల చేయ‌డానికి రంగం సిధ్ధమైంది. జనవరి 14, 2022న సినిమా విడుదల  కానుంది.

Also Read : రాధేశ్యామ్ ఫ‌స్ట్ సింగిల్ వ‌చ్చేస్తోంది