HIT-2 Glimpse:
‘క్ష‌ణం, గూఢ‌చారి, ఎవ‌రు’ వంటి వైవిధ్య‌మై క‌థా చిత్రాల్లో హీరోగా న‌టించిన త‌న‌కంటూ ఓ ప్రత్యేక‌మైన గుర్తింపు సంపాదించుకున్న క‌థానాయ‌కుడు అడివి శేష్. ఈ వెర్స‌టైల్ హీరో ఇప్పుడు దేశ‌భ‌క్తితో నిండిన పాన్ ఇండియా మూవీ ‘మేజ‌ర్‌’తో పాటు సీట్ ఎడ్జ్ క్రైమ్ సస్పెన్స్ థ్రిల్లర్ ‘హిట్ 2’తోనూ తెలుగు ప్రేక్ష‌కుల‌ను మెప్పించ‌నున్నారు. ‘హిట్ 2’ను హీరో నాని సమర్పణలో వాల్‌పోస్టర్‌ సినిమా బ్యానర్ పై ప్రశాంతి త్రిపురనేని నిర్మిస్తున్నారు. శుక్ర‌వారం (డిసెంబ‌ర్ 17) అడివి శేష్ పుట్టినరోజు ఈ సందర్భంగా ఈ సినిమా నుంచి గ్లింప్స్ ను నాని విడుద‌ల చేశారు. ఇందులో అడివి శేష్ ఆంధ్రప్రదేశ్‌ కు చెందిన హిట్ టీమ్‌ ఆఫీసర్ కృష్ణ దేవ్‌ అలియాస్‌ కె.డి.గా మెప్పించ‌నున్నారు.
గ్లింప్స్ ను గ‌మ‌నిస్తే.. పోలీస్ ఆఫీసర్ డ్రెస్‌లో అడివి శేష్ ఏదో కేస్‌ను చేధించ‌డానికి త‌న వంతు ప్ర‌య‌త్నాల‌ను చేయ‌డం.. ఏదో అన్వేషిస్తున్న‌ట్లు క‌నిపిస్తున్నారు. త‌న లుక్ చాలా కూల్‌గా, స్టైలిష్‌గా ఉంది. త‌న‌తో పాటు ఓ పోలీస్ డాగ్ ఉండ‌టాన్ని మ‌నం గ‌మ‌నించ‌వ‌చ్చు. అలాగే విల‌న్స్‌ ను భ‌ర‌తం ప‌ట్టే పోలీస్ ఆఫీసర్ గానూ అడివి శేష్‌ను మ‌నం చూడొచ్చు. ఏదో కేసు గురించి త‌ను చాలా సీరియ‌స్‌గానూ ఆలోచిస్తున్న‌ట్లు మ‌న‌కు క‌నిపిస్తుంది.
ఇదే బ్యాన‌ర్‌లో రూపొంది ఘన విజయం సాధించిన సీట్ ఎడ్జ్ థ్రిల్లర్ ‘హిట్’ సినిమాకు ఫ్రాంచైజీగా రూపొందుతోన్న చిత్రమే ‘హిట్ 2’. ‘ది సెకండ్‌ కేస్‌’ సినిమా ట్యాగ్‌లైన్‌. హిట్ చిత్రాన్ని తెరకెక్కించిన దర్శకుడు శైలేష్‌ కొలను దర్శకత్వంలోనే ‘హిట్ 2’ సినిమాను డైరెక్ట్ చేస్తున్నారు. సినిమా చిత్రీక‌ర‌ణ 90 శాతం పూర్త‌య్యింది. మణికందన్‌ సినిమాటోగ్రఫీ అందిస్తున్న ఈ చిత్రానికి జాన్‌ స్టీవర్ట్‌ ఎడురి నేప‌థ్య సంగీతాన్ని అందిస్తున్నారు. త్వరలోనే మిగిలిన కార్యక్రమాలను పూర్తి చేసి సినిమా రిలీజ్ డేట్‌ను అనౌన్స్ చేస్తామని చిత్ర యూనిట్ తెలియజేసింది.
