ప్రొ కబడ్డీ:  జైపూర్ పై బెంగాల్; ఢిల్లీపై పూణే భారీ విజయం  

Pro Kabaddi: వివో ప్రో కబడ్డీ లీగ్ లో నేడు జరిగిన మ్యాచ్ ల్లో బెంగాల్ భారీ విజయం సాధించింది. మరో మ్యాచ్ లో ఢిల్లీని పూణే చిత్తు చేసింది.

బెంగాల్ వారియర్స్- జైపూర్ పింక్ పాంథర్స్ జట్ల మధ్య జరిగిన తొలి మ్యాచ్ లో 41-22 తో బెంగాల్ ఘన విజయం సాధించింది. తొలి అర్ధ భాగంలో 14-11తో స్వల్ప ఆధిక్యం సంపాదించిన బెంగాల్ రెండో అర్ధభాగంలో మరింత సత్తా చాటి 27-11తో భారీ ఆధిక్యం సంపాదించింది. దీనితో మ్యాచ్ ముగిసే నాటికి బెంగాల్ 19 పాయింట్ల తేడాతో విజయం సొంతం చేసుకుంది. బెంగాల్ కెప్టెన్ మణీందర్ సింగ్ 13 పాయింట్లు సాధించాడు.

పునేరి పల్టాన్ – దబాంగ్ ఢిల్లీ  జట్ల మధ్య జరిగిన రెండో మ్యాచ్ లో 42-25తో పూణే ఘనవిజయం సాధించింది. తొలి అర్ధభాగంలో 25-13తో తిరుగులేని ఆధిక్యం సంపాదించిన పూణే రెండోభాగంలో 17-12తో సత్తా చాటింది. మ్యాచ్ ముగిసే సమయానికి 17 పాయింట్ల తేడాతో పూణే విజయం దక్కించుకుంది.

నేటి మ్యాచ్ లు పూర్తయిన తరువాత… బెంగుళూరు బుల్స్ (46 పాయింట్లు); దబాంగ్ ఢిల్లీ (43); బెంగాల్ వారియర్స్ (41); పాట్నా పైరేట్స్ (40); యూపీ యోధ (39); హర్యానా స్టీలర్స్ (39) జట్లు టాప్ సిక్స్ లో ఉన్నాయి.

Also Read : ప్రొ కబడ్డీ:  హర్యానా, బెంగుళూరు గెలుపు