Pro Kabaddi: వివో ప్రో కబడ్డీ లీగ్ లో నేడు జరిగిన మూడు మ్యాచ్ ల్లో తెలుగు టైటాన్స్ పై పాట్నా పైరేట్స్; దబాంగ్ ఢిల్లీ పై యూపీ యోధ విజయం సాధించగా, పునేరి పల్టాన్ గుజరాత్ జెయింట్స్ మ్యాచ్ టై అయ్యింది.
పాట్నా పైరేట్స్ – తెలుగు టైటాన్స్ మధ్య జరిగిన మొదటి మ్యాచ్ లో 38-30తో పాట్నా విజయం సాధించింది. ప్రథమార్ధంలో 21-20తో కేవలం ఒక్క పాయింట్ మాత్రమే ముందంజలో ఉన్న పాట్నా ద్వితీయార్ధంలో సత్తా చాటి 17-10తో పైచేయి సాధించింది. మ్యాచ్ ముగిసే నాటికి 8 పాయింట్ల తేడాతో గెలుపు సొంతం చేసుకుంది. పాట్నా రైడర్ సచిన్ -14 పాయింట్లతో రాణించాడు.
యూపీ యోధ – దబాంగ్ ఢిల్లీ జట్ల మధ్య జరిగిన రెండో మ్యాచ్ లో 44-28 తేడాతో యూపీ గెలుపొందింది. ఆట తొలి భాగంలో 18-12 ఆధిక్యం ప్రదర్శించిన యూపీ మలి భాగంలో కూడా అదే దూకుడు చూపించి 26-16తో దూసుకు పోయింది. దీనితో మ్యాచ్ ముగిసే నాటికి 16 పాయింట్ల భారీ తేడాతో విజయం సాధించింది. యూపీ రైడర్లు ప్రదీప్ నర్వాల్ -14, సురేందర్ గిల్ -6 పాయింట్లతో రాణింఛి జట్టు విజయంలో తమవంతు పాత్ర పోషించారు
గుజరాత్ జెయింట్స్- పునేరి పల్టాన్ జట్ల మధ్య జరిగిన మూడో మ్యాచ్ 31-31తో టై అయ్యింది ఆట ప్రథమార్ధంలో 21-16 తో గుజరాత్ ఆధిక్యం సంపాదించింది. ద్వితీయార్ధంలో పుంజుకున్న పూణే దూకుడుగా ఆడి గుజరాత్ కు ధీటైన జవాబిచ్చి 15-10తో పైచేయి సాధించింది. దీనితో మ్యాచ్ ముగిసే సమయానికి రెండు జట్లూ చెరో 31 పాయిట్లు పొందాయి. గుజరాత్ రైడర్ రాకేష్; పూణే ఆటగాడు మోహిత్ గయత్ చెరో పది పాయింట్లు సంపాదించారు.
నేటి మ్యాచ్ లు పూర్తయిన తరువాత… పాట్నా పైరేట్స్ (75 పాయింట్లు); దబాంగ్ ఢిల్లీ (65); యూపీ యోధ (63); హర్యానా స్టీలర్స్(63); బెంగుళూరు బుల్స్ (60); గుజరాత్ జెయింట్స్ (57) టాప్ సిక్స్ లో ఉన్నాయి.
Also Read : ప్రొ కబడ్డీ: హర్యానా, బెంగుళూరు, గుజరాత్ విజయం
