SVP: Mahesh: సూపర్ స్టార్ మహేష్ బాబు, కీర్తి సురేష్ జంటగా న‌టించిన చిత్రం సర్కారు వారి పాట. ఈ చిత్రానికి పరశురామ్ ద‌ర్శ‌క‌త్వం వ‌హించారు. మైత్రీ మూవీ మేకర్స్, జీఎంబీ ఎంటర్‌టైన్‌మెంట్, 14 రీల్స్ ప్లస్ బ్యానర్‌ల పై సంయుక్తంగా నిర్మించిన ఈ సినిమా కోసం అభిమానులు ఎంతగానో ఎదురు చూస్తున్నారు. మే 12న సర్కారు వారి పాట ప్రపంచ వ్యాప్తంగా థియేటర్లలో విడుదల కానుంది. ఈ సందర్భంగా అభిమానులు, సినీ ప్ర‌ముఖుల స‌క్షంలో ప్రీ రిలీజ్ వేడుక ఘ‌నంగా జ‌రిగింది.
ఈ సందర్భంగా హీరో మహేష్ బాబు మాట్లాడుతూ “ఈ రోజు చాలా ఆనందంగా ఉంది. అభిమానులంద‌ర్నీ కలిసి రెండేళ్లు పైనే అయ్యింది. ఈ సినిమాలో నా క్యారెక్టర్ ని అద్భుతంగా డిజైన్ చేసిన పరశురామ్ గారికి చాలా థ్యాంక్స్ చెప్పాలి. ఇప్పటి వరకు నా ఫేవరేట్ క్యారెక్టర్స్ లో ఇది ఒకటి. ఈ సినిమాలో నన్ను పూర్తిగా మార్చేశారు. కొన్ని సీన్లు చేసేటప్పుడు పోకిరి రోజులు గుర్తొచ్చాయి. షూటింగ్స్ లో చాలా ఎంజాయ్ చేశాను. పరశురామ్ కథ చెప్పి ఇంటికెళ్లిపోయాక నాకు.. “ఒక్కడు సినిమా చూసి డైరెక్టర్ అవుదామని హైదరాబాద్ వచ్చాను. మీరు ఇప్పుడు నాకు ఛాన్స్ ఇచ్చారు. ఈ సినిమా ఎలా తీస్తానో మీరే చూడండి. ఇరగదీసేస్తాను” అని మెసేజ్ పెట్టాడు. ఈ సినిమా చూశాక నా అభిమానులకి, నాన్న గారి అభిమానులకి ఆయన ఫేవరేట్ డైరెక్టర్ అవుతారు. సర్కారు వారి పాట నాకు ఇచ్చినందుకు చాలా చాలా థ్యాంక్” అన్నారు.
“ఈ సినిమాలో చాలా హైలెట్స్ ఉన్నాయి. హీరో, హీరోయిన్ ట్రాక్ నా ఫేవరెట్ ట్రాక్. దీని కోసం రిపీట్ ఆడియన్స్ వస్తారు. కీర్తి సురేష్ క్యారెక్టరైజేషన్, పెర్ఫార్మెస్ చాలా కొత్తగా ఉంటాయి. గత రెండేళ్లలో ఎన్నిసార్లు డేట్లు అడిగినా తను కాదనకుండా ఇచ్చింది. తనకు థ్యాంక్స్. ఇక నాకు, థమన్‌కి మధ్య చాలా గ్యాప్ వచ్చింది కానీ నేను ఇప్పుడు చాలా హ్యాపీగా ఉన్నాను. ‘కళావతి’ ఎంత హిట్ అయ్యిందనేది అందరికీ తెలుసు. దానికి పూర్తి క్రెడిట్ థమన్‌కే ద‌క్కుతుంది”
“రామ్, లక్ష్మణ్ మాస్టర్లు హీరోను ఎంత బాగా చూసుకుంటారో, ఫైటర్లను కూడా అంతే బాగా చూసుకుంటారని, అందుకే వాళ్లు నంబర్ వన్ అయ్యారు. శేఖర్ మాస్టర్‌కు కూడా థ్యాంక్స్. మైండ్ బ్లాక్ ఎంత ఇంపాక్ట్ క్రియేట్ చేసిందో తెలుసు. ఈ సినిమాలో డ్యాన్స్‌ లు దానికి మించి ఉంటాయి. ఈ సినిమాకు పని చేసిన మిగతా టీం మొత్తానికి చాలా థ్యాంక్స్. మైత్రీ మూవీ మేకర్స్, 14 రీల్స్ నిర్మాతలు నాకు బ్లాక్‌బస్టర్లు ఇచ్చారు. ఈ రెండేళ్లలో చాలా మారాయి. నాకు బాగా దగ్గరైన వ్యక్తులను కోల్పోయాను కానీ అభిమానుల ప్రేమ మాత్రం మారలేదు. ఇది చాలు ముందుకు వెళ్లిపోవడానికి. మే 12వ తేదీ మీకు అందరికీ నచ్చే సినిమా రాబోతుంది” అన్నారు.
