Another Beauty: పాన్ ఇండియా స్టార్ ప్ర‌భాస్ న‌టిస్తున్న చిత్రాల్లో ప్రాజెక్ట్ కే ఒక‌టి. ఈ చిత్రానికి మహాన‌టి ఫేమ్ నాగ్ అశ్విన్ ద‌ర్శ‌క‌త్వం వ‌హిస్తున్నారు. సుప్ర‌సిద్ధ నిర్మాణ సంస్థ వైజయంతీ మూవీస్ బ్యాన‌ర్ లో రూపొందుతోన్న ఈ చిత్రంలో ప్ర‌భాస్ స‌ర‌స‌న బాలీవుడ్ బ్యూటీ దీపికా ప‌డుకునే న‌టిస్తుంది. బాలీవుడ్ మెగాస్టార్ అమితాబ్ కీల‌క పాత్ర పోషిస్తున్నారు. ఇప్పుడు లేటెస్ట్ న్యూస్ ప్రకారం.. ఈ ప్రాజెక్ట్‌లో మరో బాలీవుడ్ బ్యూటీ జాయిన్ అయ్యారు.
ఇంత‌కీ ఎవ‌రా.. బాలీవుడ్ బ్యూటీ అంటారా దిశా పటానీ. ఈ అందమైన భామ ప్రాజెక్ట్ కేలో ఒక ఇంపార్టెంట్ రోల్ పోషించనుంది. ఈమె ఈ సినిమాలో న‌టించ‌నున్న‌ట్టుగా మేకర్స్ ఎలాంటి అధికార ప్రకటన చేయలేదు కానీ.. వైజయంతీ మూవీస్ నుంచి తనకొచ్చిన గిఫ్ట్‌ ఫోటోను దిశా సోషల్ మీడియాలో షేర్ చేసింది. ప్రాజెక్ట్ కే సినిమాలో భాగమైన నిన్ను చిత్రబృందం సాదరంగా ఆహ్వానిస్తోంది. నువ్వు ఈ ప్రాజెక్ట్‌లో భాగమవ్వడం థ్రిల్లింగ్ గా ఉంది అని అందులో రాసి ఉండడాన్ని మనం గమనించవచ్చు.
ప్రస్తుతం ఈ సినిమా షూటింగ్ హైదరాబాద్‌లోని రామోజీ ఫిల్మ్ సిటీలో ఏర్పాటు చేసిన ఒక భారీ సెట్‌లో జరుగుతోంది. మ‌రి.. పాన్ వ‌రల్డ్ మూవీగా రూపొందే ఈ సినిమాతో ప్ర‌భాస్ ఏ రేంజ్ స‌క్సెస్ సాధిస్తాడో చూడాలి.
Also Read : సెట్స్ పైకి వ‌చ్చిన ‘ప్రాజెక్ట్ కె’
