Two Ok: విక్ట‌రీ వెంకటేష్ న‌టించిన దృశ్యం 2, నారప్ప చిత్రాలు డైరెక్ట్ గా ఓటీటీలో రిలీజ్ అయ్యాయి. అయితే.. ఈ రెండు చిత్రాలు ఓటీటీలో అంత‌గా ఆక‌ట్టుకోలేదు. దీంతో వెంకీ సినిమాని డైరెక్ట్ గా థియేట‌ర్లో రిలీజ్ చేస్తే.. ఎంత క‌లెక్ట్ చేస్తుంది..? ఆయ‌న థియేట‌ర్ మార్కెట్ ఎంత..? అనేది తెలుసుకునేందుకు ఎఫ్ 3 రిజెల్ట్ కోసం ఇండ‌స్ట్రీ జ‌నాలు ఆస‌క్తిగా ఎదురు చూశారు. అయితే… ఇటీవ‌ల రిలీజైన ఎఫ్ 3 కి థియేట‌ర్లో బాగానే రెస్పాన్స్ వ‌చ్చింది.
అయితే.. ఇది వెంకీ సోలో మూవీ కాదు.. ఇందులో మెగా హీరో వ‌రుణ్ తేజ్ కూడా న‌టించాడు. అయితే.. ఈ సినిమా స‌క్సెస్ అవ్వ‌డంతో రెట్టించిన ఉత్సాహంతో సినిమాలు చేసేందుకు వెంకీ రెండు సినిమాల‌కు ఓకే చెప్పాడ‌ట. ఇంత‌కీ ఆ రెండు చిత్రాల‌కు ద‌ర్శ‌కులు ఎవ‌రంటే.. జాతిర‌త్నాలు సినిమాతో సెన్సేష‌న్ క్రియేట్ చేసిన యంగ్ డైరెక్ట‌ర్ అనుదీప్ ఒక‌రు. ఇత‌ను చెప్పిన స్టోరీకి వెంకీ ఓకే చెప్పారు. ప్ర‌స్తుతం అనుదీప్ శివ‌కార్తికేయ‌న్ తో తెలుగు, త‌మిళ్ మూవీ చేస్తున్నారు. ఈ సినిమా త‌ర్వాత వెంకీతో సినిమా ఉంటుంది. ఇక రెండో డైరెక్ట‌ర్ ఎవ‌రంటే.. త‌రుణ్ భాస్క‌ర్. ఇత‌ను ఎప్ప‌టి నుంచో వెంకీతో సినిమా చేయాల‌ని ట్రై చేస్తున్నాడు. వాయిదాప‌డుతూ వ‌చ్చిన ఈ సినిమా ఇప్పుడు సెట్ అయ్యింది. త‌రుణ్ భాస్క‌ర్ తో సినిమాని కూడా స్టార్ట్ చేసేందుకు వెంకీ ఓకే చెప్పారు. అయితే.. ఈ రెండు చిత్రాల‌ను ఒకేసారి స్టార్ట్ చేస్తాడా.? లేక ఒక దాని త‌ర్వాత ఒక‌టి స్టార్ట్ చేస్తాడా..? అనేది తెలియాల్సివుంది.
Also Read : ఎఫ్ 3 ని ప్రేక్షకులంతా ఎంజాయ్ చేస్తారు : వెంకటేష్.
