Landslide Win: శ్రీ పొట్టి శ్రీరాములు నెల్లూరు జిల్లా ఆత్మకూరు ఉప ఎన్నికల్లో వైఎస్సార్ కాంగ్రెస్ పార్టీ ఘన విజయం సాధించింది, ఆ పార్టీ అభ్యర్ధి మేకపాటి విక్రమ్ రెడ్డి 82,888 ఓట్ల మెజార్టీతో బిజెపి అభ్యర్థి భరత్ కుమార్ పై గెలుపొందారు. మొత్తం పోలైన ఓట్లలో 1,02,074 ఓట్లు రాగా, బిజెపికి 19,332, బీఎస్పీకి 4,897, ఇతరులకు 6,599, నోటాకు 4179 ఓట్లు దక్కాయి. నియోజకవర్గంలో మొత్తం 2,13,348 ఓట్లు ఉండగా 1,37,081 పోలయ్యాయి.
మంత్రి మేకపాటి గౌతమ్ రెడ్డి మరణంతో ఈ ఉప ఎన్నిక అనివార్యమైంది. గౌతమ్ సోదరులు విక్రమ్ రెడ్డి అధికార వైసీపీ నుంచి బరిలోకి దిగారు, ప్రధాన ప్రతిపక్షం టిడిపి పోటీ చేయలేదు.
