పాన్ ఇండియా స్టార్ ప్రభాస్ వ‌రుస‌గా సినిమాలు చేస్తూ ఫుల్ బిజీలో ఉన్నారు. ఆదిపురుష్‌, స‌లార్, ప్రాజెక్ట్ కే సినిమాలు సెట్స్ పై ఉన్నాయి. వీటి త‌ర్వాత అర్జున్ రెడ్డి డైరెక్ట‌ర్ సందీప్ రెడ్డి వంగ డైరెక్షన్ లో ‘స్పిరిట్‘ అనే సినిమా చేయ‌నున్నారు. మారుతి డైరెక్షన్ లో ఓ సినిమా చేయ‌డానికి ప్రభాస్ ఓకే చెప్పార‌ని గ‌త కొంత‌కాలంగా వార్తలు వ‌స్తూనే ఉన్నాయి కానీ.. ఇంకా అఫిషియ‌ల్ గా ప్ర‌క‌టించ‌లేదు.
వరుస పరాజయాలు ఎదుర్కొంటున్న మారుతితో సినిమా చేయవద్దని ప్రభాస్ అభిమానులు కోరుతున్నారని, అలాగే సీనియ‌ర్ ప్రొడ్యూస‌ర్ అశ్వ‌నీద‌త్ కూడా మారుతితో వద్దని చెప్పార‌ని వార్తలు వ‌చ్చాయి. మారుతి తాజా సినిమా ‘ప‌క్కా క‌మ‌ర్షియ‌ల్’ కూడా ఫ్లాప్ కావడంతో ఈ సినిమా ఉండ‌క‌పోవ‌చ్చ ని టాక్ బ‌లంగా వినిపిస్తోంది. అయితే.. ఇటీవల ప్రభాస్ ని మరోసారి కలిశారు మారుతి. పుకార్లు పట్టించుకోవద్దని, సినిమా పని చేసుకోవాలని ప్రభాస్ మారుతికి చెప్పారట. అంటే.. స్క్రిప్ట్ పని పూర్తి చేసుకోమని చెప్పారన్నమాట.
ప్రభాస్ భారీ సినిమాల మధ్య ఒక సింపుల్ గా ఉండే కలర్ ఫుల్ ఎంటర్ టైనర్ చేద్దామని అనుకుంటున్నారట. అందుకే, మారుతికి అవకాశం ఇస్తున్నారు ప్రభాస్. ఈ సినిమాలో ముగ్గురు హీరోయిన్లు, కామెడీ, ఐటెం సాంగ్, ఇంట్రో పాట… ఇలా హడావిడి ఉంటుందట. పైగా భారీ సెట్లు, ఛేజులు, గ్రాఫిక్స్… ఈ గోల ఉండదు. ఈ ఆలోచనతోనే మారుతికి అవకాశం ఇస్తున్నారట. మ‌రి.. మారుతి ఈ అవ‌కాశాన్ని ఎంత వ‌ర‌కు స‌ద్వినియోగం చేసుకుంటాడో చూడాలి.
