ఇంగ్లాండ్ తో జరుగుతోన్న టి 20 సిరీస్ ను బంగ్లాదేశ్ మరో మ్యాచ్ మిగిలి ఉండగానే కైవసం చేసుకుంది. దాకా లోని షేర్ బంగ్లా నేషనల్ స్టేడియంలో జరిగిన నేటి మ్యాచ్ లో బంగ్లా 4 వికెట్లతో విజయం సాధించింది. టాస్ గెలిచిన బంగ్లాదేశ్ బౌలింగ్ ఎంచుకుంది. ఇంగ్లాండ్ లో డకెట్-28; సాల్ట్-25 మినహా మిగిలిన వారు విఫలమయ్యారు. నిర్ణీత 20 ఓవర్లలో 117 పరుగులకు ఆలౌట్ అయ్యింది.
బంగ్లా బౌలర్లలో మెహిదీ మిరాజ్ 4; తస్కిన్ అహ్మద్, ముస్తాఫిజుర్, షకీబ్ అల్ హసన్, హసన్ మహ్మూద్, తలా ఒక వికెట్ సాధించారు.
బంగ్లా ఓపెనర్లు ఇద్దరూ చెరో 9 పరుగులు చేసి పెవిలియన్ చేరారు. నజ్ముల్ హుస్సేన్ శాంటో 46 పరుగులతో నాటౌట్ గా నిలిచాడు. తౌహిద్ హృదయ్-17; మెహిదీ హాసన్ మిరాజ్-20 పరుగులతో ఫర్వాలేదనిపించారు. 18.5 ఓవర్లలో 6 వికెట్లు కోల్పోయి 120 పరుగులు చేసి విజయం సొంతం చేసుకుంది.
మెహిదీ మిరాజ్ కే ‘ప్లేయర్ అఫ్ ద మ్యాచ్’ దక్కింది.
