యంగ్ టైగర్ ఎన్టీఆర్, సక్సెస్ ఫుల్ డైరెక్టర్ కొరటల శివ కాంబినేషన్లో రూపొందుతోన్న సినిమా ఇటీవలే ప్రారంభమైంది. ఎన్టీఆర్ కు జంటగా అతిలోకసుందరి శ్రీదేవి ముద్దుల కూతురు జాన్వీ కపూర్ నటిస్తుండడంతో ఈ సినిమా పై మరింత క్రేజ్ ఏర్పడింది. అలాగే ఆర్ఆర్ఆర్ మూవీతో ఎన్టీఆర్ గ్లోబల్ స్టార్ అయ్యారు. ఎన్టీఆర్ ఇమేజ్ కు తగ్గట్టుగా ఈ సినిమాను భారీ బడ్జెట్ తో, తారాగణంతో అత్యంత ప్రతిష్టాత్మకంగా నిర్మిస్తున్నారు.
బాలీవుడ్ స్టార్ సైఫ్ అలీఖాన్ ఈ సినిమాలో విలన్‌గా నటిస్తారని వార్తలు వచ్చాయి. కొరటాల కథ చెప్పగానే సైఫ్ ఓకే చెప్పారని వార్తలొచ్చాయి. అయితే ఇప్పుడు వస్తున్న సమాచారం ప్రకారం సైఫ్ ఈ సినిమాపై అంత సుముఖంగా లేరట. అందుకే వేరే స్టార్ తో విలన్ పాత్ర చేయించడానికి అంతా సెట్ అయ్యిందని.. త్వరలోనే మేకర్స్ విలన్ ఎవరనేది ప్రకటిస్తారని తెలిసింది.
ఇక జాన్వీకపూర్ విషయానికి వస్తే… ఈ సినిమాలో ఆమె పాత్ర ఓ మత్స్యకారుని కూతురిగా నటిస్తోందట. ఈ ప్రాజెక్ట్‌కు ఎక్కువ ప్రాధాన్యత ఇస్తోందట. డేట్స్ కూడా ఎక్కువ కేటాయించిందట. ఇది ఆమెకు తొలి టాలీవుడ్ సినిమా దీనికోసం ఈగర్ గా వెయిట్ చేస్తుంది. ఈ కథలో కొంత మైథిలాజికల్ టచ్ కూడా ఉంటుందట.
