ఒక హీరో కోసం కథ రాస్తే.. మరోక హీరోకి సెట్ కావడం అనేది కామన్. అలా జరగడం వలన హిట్లు, ఫ్లాప్ లు కూడా తారుమారవుతుంటాయి. అయితే.. ఒక హీరో నో చెప్పిన కథ వేరే హీరోకు బ్లాక్ బస్టర్ ఇస్తే అయ్యో ఆ సినిమా తాను చేసి ఉండాల్సిందని ఫీల్ కావడం సాధారణంగా జరుగుతూ ఉంటుంది. కానీ సెన్సేషనల్ హీరో విజయ్ దేవరకొండ మిస్ చేసుకున్న హిట్ సినిమాల సంఖ్య ఎక్కువే ఉంది. ఈ జాబితాలో ముందుగా చెప్పుకోవాల్సిన సినిమా ఉప్పెన. ఈ చిత్రాన్ని వైష్ణవ్ తేజ్ తో తెరకెక్కించారు. బ్లాక్ బస్టర్ సక్సెస్ అయ్యింది. వైష్ణవ్ తేజ్ చేయడానికి కొన్ని ఏళ్ల క్రితమే ఆ కథను విజయ్ దేవరకొండ విన్నాడట కానీ.. ఎందకనో నో చెప్పాడట. ఇక యంగ్ డైరెక్టర్ వెంకీ కుడుముల తెరకెక్కించిన చిత్రం భీష్మ. నితిన్ హీరోగా నటించిన భీష్మ చిత్రం కమర్షియల్ గా మంచి సక్సెస్ సాధించింది. ఈ చిత్రాన్ని కూడా ముందుగా విజయ్ దేవరకొండకు చెప్పారట కానీ.. ఆయన నో చెబితే అప్పుడు నితిన్ దగ్గరకి వెళ్లిందట. ఇలా ఉప్పెన, భీష్మ చిత్రాలను విజయ్ దేవరకొండ మిస్ చేసుకున్నాడు. ఈ రెండు చిత్రాలే కాదండోయ్.. పూరి జగన్నాథ్ తెరక్కించిన ఇస్మార్ట్ శంకర్ కూడా ముందుగా విజయ్ దగ్గరికే వచ్చిందట.
అలాగే సుప్రసిద్థ నిర్మాణ సంస్థ వైజయంతీ మూవీస్ తెరకెక్కించిన సీతారామం కోసం కూడా ముందుగా విజయ్ దేవరకొండనే అనుకున్నారట. ఆ బ్యానర్ లో విజయ్ దేవరకొండ మహానటి సినిమాలో నటించాడు. అయితే.. విజయ్ కి సీతారామం కథ నచ్చింది కానీ.. డేట్స్ కుదరకపోవడం వలన ఆయన ఈ ప్రాజెక్ట్ చేయలేకపోయారని తెలిసింది. విజయ్ మిస్ చేసుకున్న ఉప్పెన, భీష్మ, ఇస్మార్ట్ శంకర్, సీతారామం చిత్రాలు బ్లాక్ బస్టర్ సక్సెస్ సాధించాయి. ఈ సినిమాలు విజయ్ చేసుంటే.. అతని కెరీర్ మరో రేంజ్ లో ఉండేది.
Also Read : అల్లు అర్జున్ అన్న నాకు స్ఫూర్తి : విజయ్ దేవరకొండ
