మేఘా ఆకాష్, అరుణ్ ఆదిత్, అర్జున్ సోమయాజుల ప్రధాన పాత్రల్లో నటించిన విభిన్న ప్రేమకథా చిత్రం ‘డియర్ మేఘ’. వేదాన్ష్ క్రియేటివ్ వర్క్స్ బ్యానర్ పై అర్జున్ దాస్యన్ ఈ చిత్రాన్ని నిర్మించారు. సుశాంత్ రెడ్డి ఈ చిత్రానికి దర్శకత్వం వహించారు. ఈ ఎమోషనల్ ప్రేమ కథా చిత్రం ఏషియన్ సినిమాస్ ద్వారా నైజాంలో సెప్టెంబర్ 3న గ్రాండ్ గా రిలీజ్ కానుంది. ఈ మూవీ పోస్టర్స్ అండ్ టీజర్ కు మంచి స్పందన లభించింది. దీంతో ‘డియర్ మేఘ’ టీమ్ అంతా ఈ సినిమా విజయం పై గట్టి నమ్మకంతో ఉన్నారు.
ఈ సినిమా నుంచి ఇప్పటికే రిలీజైన టీజర్,పాటలు శ్రోతలను విశేషంగా ఆకట్టుకుంటున్నాయి. మంచి ఫీల్ గుడ్ లవ్ స్టోరీతో సెప్టెంబర్ 3న దాదాపు 300 థియేటర్లలో రిలీజ్ అవుతున్నట్టు నిర్మాత ప్రకటించారు. దీంతో ఈ సినిమా ఎలాంటి విజయాన్ని సాధిస్తుంది అనేది ఆసక్తిగా మారింది. మేఘా ఆకాష్,అదిత్ అరుణ్, అర్జున్ సోమయాజులు, పవిత్రా లోకేష్ తదితరులు నటించిన ఈ చిత్రానికి సంగీతం – హరి గౌర, సినిమాటోగ్రాఫర్ – ఐ ఆండ్రూ, ఎడిటర్ – ప్రవీణ్ పూడి, ఆర్ట్ డైరెక్టర్ – కె.వి రమణ , పీఆర్వో – జి.ఎస్.కె మీడియా, నిర్మాత : అర్జున్ దాస్యన్, రచన, దర్శకత్వం : సుశాంత్ రెడ్డి
