Share to Facebook Share to Twitter share to whatapp share to telegram

సౌతాఫ్రికా జట్టును మరోసారి వర్షం రూపంలో దురదృష్టం వెంటాడింది. జింబాబ్వేతో నేడు జరిగిన మ్యాచ్ ను వర్షం కారణంగా రద్దు చేస్తున్నట్లు ప్రకటించారు.

హోబర్ట్ లోని బెల్లీరివ్ మైదానంలో జరిగిన ఈ మ్యాచ్ ను వర్షం కారణంగా 9 ఓవర్లకు కుదించారు. భారత కాలమానం ప్రకారం మధ్యాహ్నం ఒకటిన్నరకు ప్రారంభం కావాల్సిన ఈ మ్యాచ్ 3.46 గంటలకు మొదలైంది.  సౌతాఫ్రికా టాస్ గెలిచి బౌలింగ్ ఎంచుకుంది. జింబాబ్వే 19 పరుగులకే నాలుగు వికెట్లు కోల్పోయింది. ఐదో వికెట్ కు మధేవెరే -మిల్టన్ శుంబా 60 పరుగులు జోడించారు. మధేవెరే 18 బంతుల్లో 4 ఫోర్లు, 1 సిక్సర్ తో 35 పరుగులతో నాటౌట్ గా నిలవగా, మిల్టన్ 18 పరుగులు చేసి ఇన్నింగ్స్ చివరి బంతికి ఔటయ్యాడు. దీనితో నిర్దేశిత 9 ఓవర్లలో 5 వికెట్ల నష్టానికి 79 పరుగులు చేసింది.

సౌతాఫ్రికా బౌలర్లలో నిగిడి రెండు; పార్నెల్, నార్త్జ్ చెరో వికెట్ పడగొట్టారు.

సౌతాఫ్రికా తొలి ఓవర్లోనే 23 పరుగులు రాబట్టింది. మూడు ఓవర్లు పూర్తయ్యే సమయానికి వికెట్ కోల్పోకుండా 51 పరుగులు చేసింది.  ఓపెనర్ డికాక్ మరోసారి బంతితో విధ్వసం సృష్టించి 18 బంతుల్లో 8 ఫోర్లు, 1 సిక్సర్ తో 47; కెప్టెన్ బావుమా 2  పరుగులతో క్రీజులో ఉన్నారు. ఈ సమయంలో మరోసారి భారీ వర్షం పడి మైదానం చిత్తడిగా మారింది. మ్యాచ్ ను కొనసాగించే పరిస్థితులు లేకపోవడంతో రద్దు చేస్తున్నట్లు అంపైర్లు ప్రకటించారు.

ఈ రకంగా మరోసారి సౌతాఫ్రికా విజయాన్ని వరుణదేవుడు అడ్డుకున్నాడు.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com