Share to Facebook Share to Twitter share to whatapp share to telegram

చిరంజీవి, రవితేజల కాంబినేషన్లో రూపొందిన భారీ యాక్షన్ ఎంటర్ టైనర్ ‘వాల్తేరు వీరయ్య’. ఈ చిత్రానికి బాబీ దర్శకత్వం వహించారు. సంక్రాంతికి వచ్చిన బ్లాక్ బస్టర్ సక్సెస్ సాధించింది. 200 కోట్లకు పైగా కలెక్ట్ చేసి సెన్సేషన్ క్రియేట్ చేసింది. తెలుగు రాష్ట్రాల్లోనే కాకుండా ఓవర్ సీస్ లో కూడా నేటికీ రికార్డ్ కలెక్షన్స్ వసూలు చేస్తుండడం విశేషం. అయితే.. వాల్తేరు వీరయ్య ఇచ్చిన విజయంతో రెట్టించిన ఉత్సాహంతో చిరంజీవి ‘భోళా శంకర్‘ షూటింగ్ లో జాయిన్ అయ్యారు. ప్రస్తుతం చిరంజీవి పై కీలక సన్నివేశాలను చిత్రీకరిస్తున్నారు.

ఇందులో చిరంజీవికి జంటగా తమన్నా నటిస్తుంటే.. సిస్టర్ గా కీర్తి సురేష్‌ నటిస్తుంది. ఈ చిత్రానికి మెహర్ రమేష్‌ దర్శకత్వం వహించారు. అనిల్ సుంకర ఈ చిత్రాన్ని నిర్మిస్తున్నారు. ఈ మూవీ రిలీజ్ ఎప్పుడు అనేది ఆసక్తిగా మారింది. ఈ మూవీని ఏప్రిల్ 14న విడుదల చేయాలి అనుకున్నారు. అయితే… ఈ మూవీ నిర్మాత అనిల్ సుంకర అఖిల్ తో ఏజెంట్ అనే సినిమాను నిర్మిస్తున్నారు. ఈ మూవీని ఎప్పుడో రిలీజ్ చేయాలి కానీ.. కుదరలేదు. చాలా సార్లు వాయిదాపడింది కాబట్టి ఇక లేట్ చేయకుండా రిలీజ్ చేయాలి అనుకుంటున్నారు. భోళా శంకర్ రిలీజ్ డేట్ అయిన ఏప్రిల్ 14న ఏజెంట్ రిలీజ్ అని టాక్ వచ్చింది.

అయితే.. భోళా శంకర్ ఎప్పుడు విడుదల అంటే.. సమ్మర్ లో కుదరకపోతే దసరాకి వెళుతుందని ప్రచారం జరిగింది కానీ అప్పటి వరకు కాకుండా సమ్మర్ లోనే రెండు డేట్ లు అనుకుంటున్నారట. ఏంటా డేట్స్ అంటే.. మే 12న భోళా శంకర్ రిలీజ్ చేయాలి అనుకుంటున్నారట. కుదరకపోతే మే 19న రిలీజ్ చేయాలనేది మేకర్స్ ప్లాన్ అని సమాచారం. ఏది ఏమైనా భోళా శంకర్ చిత్రం సమ్మర్ కి రావడం పక్కా అనే టాక్ బలంగా వినిపిస్తుంది. మరి.. ప్రచారంలో ఉన్న వార్తల పై మేకర్స్ త్వరలో క్లారిటీ ఇస్తారేమో చూడాలి.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com