ఐపీఎల్ లో నేడు జరిగిన మ్యాచ్ లో ఢిల్లీ కాపిటల్స్ పై చెన్నై సూపర్ కింగ్స్ 27 పరుగులతో విజయం సాధించింది. చేపాక్ స్టేడియంలో జరిగిన మ్యాచ్ లో టాస్ గెలిచి తొలుత బ్యాటింగ్ చేసిన చెన్నై నిర్ణీత 20 ఓవర్లలో 8 వికెట్ల నష్టానికి 167 పరుగులు చేయగా, లక్ష్య సాధనలో విఫలమైన ఢిల్లీ 20 ఓవర్లలో8 వికెట్లు కోల్పోయి 140 పరుగులే చేసింది,
చెన్నై బ్యాట్స్ మెన్ శివమ్ దూబే-25 (12 బంతుల్లో 3 సిక్సులు); రుతురాజ్ గైక్వాడ్-24; అంబటి రాయుడు-23; రెహానే-21; రవీంద్ర జడేజా-21; ధోని-20 (9బంతుల్లో 1 ఫోర్, 2 సిక్సర్లు) పరుగులు చేశారు. ఢిల్లీ బౌలర్లలో మిచెల్ మార్ష్ 3; అక్షర్ పటేల్ 2; ఖలీల్ అహ్మద్, లలిత్ యాదవ్, కుల్దీప్ యాదవ్ తలా ఒక వికెట్ పడగొట్టారు.
పరుగుల ఖాతా తెరవక ముందే ఢిల్లీ కెప్టెన్ డేవిడ్ వార్నర్ ఔటయాడు, జట్టు స్కోరు 25 కు మరో ఇద్దరు (ఫిల్ సాల్ట్-17; మిచెల్ మార్ష్-5) వెనుదిరిగారు. రీలీ రోస్సో-35; మనీష్ పాండే-27, అక్షర్ పటేల్ -21 పరుగులతో రాణించినా సరైన భాగస్వామ్యం నెలకొల్పలేకపోవడం, చెన్నై బౌలర్లు కట్టుదిట్టంగా బౌలింగ్ చేయడంతో ఢిల్లీకి పరాజయం తప్పలేదు.
చెన్నై బౌలర్లలో మతీష పథిరణ 3; దీపక్ చహార్ 2; రవీంద్ర జడేజా ఒక వికెట్ పడగొట్టారు.
రవీంద్ర జడేజాకు ‘ప్లేయర్ అఫ్ ద మ్యాచ్’ లభించింది.
‘ఐ’ధాత్రి న్యూస్ డెస్క్ లో అనుభవజ్ఞులయిన జర్నలిస్టులు, కాపీ ఎడిటర్లు, అనువాదకులు, డిజైనర్లు, డిజిటల్ మీడియా సాంకేతిక నిపుణులు పనిచేస్తుంటారు.