Share to Facebook Share to Twitter share to whatapp share to telegram

must resign: ప్రత్యేక హోదా అంశంలో వైసీపీ విఫలమైందని టిడిపి రాష్ట్ర అధ్యక్షుడు కింజరాపు అచ్చెన్నాయుడు ఆరోపించారు. విభజన సమస్యల పరిష్కారానికి కేంద్ర హోం మంత్రిత్వ శాఖ ఏర్పాటు చేసిన కమిటీ సమావేశ ఎజెండాలో హోదా అంశాన్ని తొలగించడం వైసీపీ చేతగానితనానికి నిదర్శమన్నారు. ప్రజల ఆకాంక్షలు నేరవేర్చలేనప్పుడు పదవుల్లో కొనసాగే అర్హత వైసీపీకి లేదని, వెంటనే సిఎం జగన్, వైసీపీ ఎంపీలు రాజీనామా చేయాలని అచ్చెన్నాయుడు డిమాండ్ చేశారు.

ప్రత్యేక హోదాపై సిఎం జగన్ ఆస్కార్ కు మించిన నటనను ప్రదర్శించారని, అందుకే ఆయనకు మోసకార్ అవార్డు ఇవ్వాల్సిందేనని అచ్చన్న వ్యంగ్యంగా అన్నారు. ప్రతిపక్షంలో ఉన్నప్పుడు పెయిడ్ ఆర్టిస్టులతో హోదా డ్రామాలాడిన జగన్ ఇప్పుడు ఎందుకు నోరు మెదపడంలేదని ప్రశ్నించారు. జగన్ తన కేసుల మాఫీ కోసం హోదా ఆకాంక్షను అమ్మేశారని తీవ్రంగా విమర్శించారు.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com