విమెన్ ప్రీమియర్ లీగ్ లో నేడు జరిగిన మ్యాచ్ లో గుజరాత్ జెయింట్స్ పై ఢిల్లీ క్యాపిటల్స్ పది వికెట్ల తేడాతో ఘన విజయం సాధించింది. గుజరాత్ ఇచ్చిన 106 పరుగుల లక్ష్యాన్ని 7.1 ఓవర్లలోనే ఢిల్లీ ఛేదించింది. షఫాలీ వర్మ ఈ మ్యాచ్ లో తన సత్తా ప్రదర్శించి 28 బంతుల్లో 10 ఫోర్లు, 5 భారీ సిక్సర్లతో 76; కెప్టెన్ మెగ్ లన్నింగ్ 15 బంతుల్లో 3 ఫోర్లతో 21 పరుగులతో నాటౌట్ గా నిలిచి అద్భుత విజయం అందించారు.
డా. డీవై పాటిల్ స్టేడియంలో జరిగిన ఈ మ్యాచ్ లో టాస్ గెలిచి బ్యాటింగ్ ఎంచుకున్న గుజరాత్ 33 పరుగులకే ఆరు వికెట్లు కోల్పోయింది. ఢిల్లీ బౌలర్లు మారిజాన్ కాప్, శిఖా పాండే బౌలింగ్ ధాటికి గుజరాత్ బ్యాటింగ్ లైనప్ కకావికలం అయ్యింది, దీనితో 20 ఓవర్లలో 9 వికెట్లు కోల్పోయి 105 పరుగులే చేసింది. కిమ్ గ్రాత్-32(నాటౌట్); హర్లీన్ డియోల్-20; వారేహాం-22 మాత్రమే రాణించారు.
కాప్ 5; శిఖా 3; రాధా యాదవ్ 1 వికెట్ పడగొట్టారు.
