సుడిగాలి సుధీర్ కి యూత్ లో మంచి క్రేజ్ ఉంది. ‘జబర్దస్త్’ ద్వారా పాప్యులర్ అయిన సుధీర్, యూత్ లో మంచి ఫాలోయింగ్ ను సంపాదించుకున్నాడు. సుధీర్ కి కామెడీ కొట్టిన పిండి .. ఇక ఈ కుర్రాడికి డాన్స్ లోను కావాల్సినంత నైపుణ్యం ఉంది. ఆ క్రేజ్ తోనే హీరోగా అవకాశాలు సంపాదించుకుంటూ వెళుతున్నాడు. బడ్జెట్ పరంగా చూసుకుంటే అవి చిన్న సినిమాలే అయినా, ఆడియన్స్ తో గ్యాప్ రాకుండా చూసుకుంటున్నాడు.
అలా ఆయన ‘నేనోరకం’ సినిమాతో తెరపైకి హీరోగా వచ్చాడు. ఆ తరువాత రూపొందిన ‘సాఫ్ట్ వేర్ సుధీర్’ రిలీజ్ కి ముందు బజ్ పెంచుకుని వెళ్లింది. కానీ ఆశించిన స్థాయిలో ఆదరణ పొందలేకపోయింది. ఆ తరువాత అతను ‘త్రీ మంకీస్’ లో కనిపించినా, దాని వలన లభించిన ప్రయోజనం కూడా అంతంత మాత్రమే. ఈ నేపథ్యంలోనే ఆయన ‘గాలోడు’ అనే సినిమాను చేశాడు. ఈ సారి ఆయన మాస్ ను ఆకట్టుకునే ఆలోచనతో ఈ సినిమాను చేశాడు.
సంస్కృతి ఫిలిమ్స్ బ్యానర్ పై నిర్మితమైన ఈ సినిమా, విడుదలకి సిద్ధమై చాలాకాలమే అయింది. సరైన రిలీజ్ డేట్ కోసం వెయిట్ చేస్తూ వచ్చింది. మొత్తానికి ఈ నెల 18వ తేదీన రిలీజ్ డేట్ ను ఫిక్స్ చేసుకుని ప్రేక్షకుల ముందుకు వస్తున్నాడు. రాజశేఖర్ రెడ్డి దర్శకత్వం వహించిన ఈ సినిమాకి భీమ్స్ సంగీతాన్ని సమకూర్చాడు. సుధీర్ జోడీగా గెహెనా సిప్పీ అలరించనుంది. బలమైన తారాగణం లేకుండా బరిలోకి దిగుతున్న ఈ సినిమాను సుధీర్ ఎంతవరకూ ప్రేక్షకులకు కనెక్ట్ చేస్తాడనేది చూడాలి.
Also Read : సుడిగాలి సుధీర్ గాలోడు టీజ‌ర్‌కి ట్రెమండ‌స్ రెస్పాన్స్‌
