విజయ్ రాజా, రాశీ సింగ్, నక్షత్ర హీరో హీరోయిన్లుగా నటించిన సినిమా ‘జెమ్’. మహాలక్ష్మీ మూవీ మేకర్స్ బ్యానర్ పై పత్తికొండ కుమార స్వామి ఈ చిత్రాన్ని నిర్మించారు. సుశీల సుబ్రహ్మణ్యం దర్శకత్వం వహించారు. అన్ని కార్యక్రమాలు పూర్తిచేసుకున్న ఈ సినిమా 17న థియేటర్ల ద్వారా ప్రేక్షకుల ముందుకొస్తోంది. తాజాగా ‘జెమ్’ ట్రైలర్ ను చిత్ర యూనిట్ విడుదల చేసింది.
‘జెమ్’ ట్రైలర్ పవర్ ప్యాక్డ్ యాక్షన్ తో నిండిపోయింది. హీరో విజయ్ రాజా, హీరోయిన్ రాశీ సింగ్, విలన్ అజయ్ క్యారెక్టర్ ల చుట్టూ మెయిన్ కథంతా ఉన్నట్లు తెలుస్తోంది. మరో హీరోయిన్ నక్షత్రది కీ రోల్ గా కనిపిస్తోంది. విజయ్ రాజా చేసిన ఫైట్స్, రొమాంటిక్ సీన్స్ ఆకట్టుకునేలా ఉన్నాయి. పంచ్ డైలాగ్స్ వంటి కమర్షియల్ ఎలిమెంట్స్ తో ఈ సినిమా తెరకెక్కినట్లు ట్రైలర్ ద్వారా అర్థమవుతోంది. విజయ్ రాజా ను మంచి కమర్షియల్ హీరోగా నిలబెట్టే అంశాలన్నీ ఉన్నాయని తెలుస్తోంది. ఈ చిత్రానికి సంగీతం – సునీల్ కశ్యప్, ఎడిటింగ్ – కోటగిరి వెంకటేశ్వరరావు, సినిమాటోగ్రఫీ – ఐ ఆండ్రూ, పీఆర్వో జీఎస్కే మీడియా, నిర్మాత – పత్తికొండ కుమారస్వామి, దర్శకత్వం – సుశీల సుబ్రహ్మణ్యం.
