చిరంజీవి మెగా మాస్ యాక్షన్ ఎంటర్టైనర్ ‘భోళా శంకర్’. మెహర్ రమేష్ దర్శకత్వంలో రూపొందుతున్న ఈ చిత్రం పోస్ట్ ప్రొడక్షన్ పనులు శరవేగంగా జరుపుకుంటోంది. రామబ్రహ్మం సుంకర నిర్మిస్తున్న ఈ చిత్రం మెగా మాసీవ్ ప్రమోషనల్ కంటెంట్ తో స్ట్రాంగ్ బజ్ ని క్రియేట్ చేస్తోంది. టీజర్ నుంచి పాటల వరకు సినిమాకు సంబంధించిన ప్రతి ప్రమోషన్ ఎలిమెంట్ హ్యుజ్ బజ్ నెలకొల్పింది.
ఈ సినిమా థియేట్రికల్ ట్రైలర్ రేపు విడుదల కానున్న సంగతి తెలిసిందే. ఇప్పుడు మరో బిగ్ అప్డేట్ వచ్చింది. రామ్ చరణ్ రేపు సాయంత్రం 4:05 గంటలకు ట్రైలర్ను విడుదల చేయనున్నారు. ట్రైలర్ని చరణ్ లాంచ్ చేయడం వల్ల ఇది సినిమాకు అదనపు ఆకర్షణగా నిలుస్తోంది. తమన్నా, కీర్తి సురేష్, సుశాంత్ ఈ సినిమాలో ఇతర ముఖ్య తారాగణం. మహతి స్వర సాగర్ సంగీతం అందిస్తున్న ఈ చిత్రం మొదటి మూడు పాటలు చార్ట్ బస్టర్స్ అయ్యాయి. యూట్యూబ్లో ట్రెండింగ్లో ఉన్నాయి.అనిల్ సుంకర ఏకే ఎంటర్టైన్మెంట్స్ సంస్థ ఈ చిత్రాన్ని నిర్మిస్తోంది. భోళా శంకర్ ఆగస్టు 11న ప్రపంచ వ్యాప్తంగా గ్రాండ్గా విడుదల కానుంది.
