స్వదేశంలో జరుగుతోన్న బాడ్మింటన్ టోర్నమెంట్ యోనెక్స్ సన్ రైజ్ ఇండియా ఓపెన్-2023 లో ఇండియా కథ ముగిసింది. కనీసం క్వార్టర్ ఫైనల్స్ కు కూడా చేరకుండానే సింగిల్స్, డబుల్స్ విభాగాల్లో భారత ఆటగాళ్ళు ఓటమి పాలై నిష్క్రమించారు.
పురుషుల సింగిల్స్ లో రాస్మస్ జేమ్కే 16-21; 21-15;21-18 తేడాతో లక్ష్య సేన్ ను ఓడించాడు
మహిళల సింగిల్స్ లో సైనా నెహ్వాల్ 9-21;12-21 తేడాతో చైనా ప్లేయర్ చెన్ యూ ఫీ చేతిలో ఓటమి పాలైంది.
పురుషుల డబుల్స్ లో స్టార్ జోడీ సాత్విక్ సాయిరాజ్- చిరాగ్ శెట్టి జోడీ గాయం కారణంగా పోటీ నుంచి వైదొలిగారు. కృష్ణ ప్రసాద్- విష్ణు వర్ధన్ ద్వయం ఓటమి పాలైంది.
మహిళల డబుల్స్ లో గాయత్రి గోపీచంద్- త్రెసా జాలీ 9-21;16-21 తేడాతో చైనా జోడీపై ఓడిపోయారు.
