Thursday, March 28, 2024
Homeసినిమావరుణ్ తేజ్ ‘గాండీవధారి అర్జున’ మోష‌న్ పోస్ట‌ర్ రిలీజ్‌

వరుణ్ తేజ్ ‘గాండీవధారి అర్జున’ మోష‌న్ పోస్ట‌ర్ రిలీజ్‌

డిఫరెంట్ కాన్సెప్ట్ సినిమాలను చేసే యువ కథానాయకుడు మెగా ప్రిన్స్ వరుణ్ తేజ్ హీరోగా బ్రిలియంట్ ఫిల్మ్ మేకర్ ప్రవీణ్ సత్తారు దర్శకత్వంలో రూపొందుతున్న చిత్రానికి ‘గాండీవధారి అర్జున’ అనే టైటిల్‌ను ఖ‌రారు చేశారు. VT 12 గా గ‌త ఏడాది అక్టోబ‌ర్‌లో ఈ సినిమా షూటింగ్ ప్రారంభ‌మైంది. గురువారం వ‌రుణ్ తేజ్ పుట్టిన‌రోజు సంద‌ర్భంగా ఈ సినిమా మోష‌న్ పోస్ట‌ర్‌ను చిత్ర యూనిట్ విడుద‌ల చేసింది.

మోష‌న్ పోస్ట‌ర్‌ను గ‌మనిస్తే… మాస్క్ ధ‌రించిన మ‌నుషులు కొంద‌రు ఓ రాజ భ‌వ‌నంలోనికి ప్ర‌వేశించ‌టానికి ప్ర‌య‌త్నిస్తుంటారు. అలాంటి సంద‌ర్భంలో బాంబుల మోత‌, గ‌న్ ఫైరింగ్ న‌డుమ వ‌రుణ్ తేజ్ యాక్ష‌న్ మోడ్‌లో క‌నిపిస్తున్నారు. ఈ మోష‌న్ పోస్ట‌ర్ గ్లింప్స్‌లోనే ‘గాండీవధారి అర్జున’ అనే టైటిల్‌ను రివీల్ చేశారు. ఇందులో మ‌న మెగా ప్రిన్స్ సెక్యూరిటీ ఎక్స్‌ప‌ర్ట్‌గా న‌టిస్తున్నారు. ఎదుటి వారిని ప్ర‌మాదాల బారి నుంచి కాపాడే రోల్‌లో వ‌రుణ్ తేజ్ న‌టించ‌టం వ‌ల్ల ఈ టైటిల్‌ను ఎంచుకున్న‌ట్లు తెలుస్తుంది.

ఎన్నో స‌క్సెస్‌ఫుల్ చిత్రాల‌కు సంగీతాన్ని అందించిన మిక్కి జె.మేయ‌ర్ ఈ చిత్రానికి సంగీత సార‌థ్యం వ‌హిస్తున్నారు. ఆయ‌న టెరిఫిక్ బ్యాగ్రౌండ్ స్కోర్ ఆడియెన్స్‌ను ఆక‌ట్టుకుంటోంది. వ‌రుణ్ తేజ్‌, ప్ర‌వీణ్ స‌త్తారు కాంబోలో వ‌స్తున్న తొలి చిత్ర‌మిది. ఈ యాక్ష‌న్ థ్రిల్ల‌ర్‌ను ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర బ్యాన‌ర్‌ పై సీనియర్ నిర్మాత బి.వి.ఎస్‌.ప్ర‌సాద్ నిర్మిస్తున్నారు.

RELATED ARTICLES

Most Popular

న్యూస్