ఐఐటీ-మద్రాస్‌ మరో ఘనతను సాధించింది. అంతర్జాతీయ క్యాంపస్‌ను ప్రారంభించిన తొలి ఐఐటీగా రికార్డు సృష్టించింది. ఐఐటీ-మద్రాస్‌కు అనుబంధంగా టాంజానియాలోని జన్‌జిబార్‌లో అంతర్జాతీయ క్యాంపస్‌ను ఏర్పాటు చేస్తున్నట్టు ఐఐటీ-మద్రాస్‌ డైరెక్టర్‌ ప్రొఫెసర్‌ కామకోటి గురువారం వెల్లడించారు.
జన్‌జిబార్‌ క్యాంపస్‌ డైరెక్టర్‌గా ప్రొఫెసర్‌ ప్రీతి అఘలయం నియమితులైనట్టు తెలిపారు. ఆఫ్రికా విద్యార్థులు మద్రాస్‌ క్యాంపస్‌లో విద్యనభ్యసిస్తున్నారని, జన్‌జిబార్‌ క్యాంపస్‌ వల్ల ఆఫ్రికా విద్యార్థులకు ఎంతో మేలు జరుగుతుందని చెప్పారు.
