ఇంగ్లాండ్ తో జరుగుతున్న ఏకైక టెస్ట్ మ్యాచ్ లో ఐర్లాండ్ 172పరుగులకే ఆలౌట్ అయ్యింది. స్టువార్ట్ బ్రాడ్ ఐదు వికెట్లతో సత్తా చాటగా… జాక్ లీచ్ 3, మాథ్యూ పాట్స్ 2 వికెట్లు పడగొట్టారు.
లండన్ లోని లార్డ్స్ మైదానంలో మొదలైన ఈ మ్యాచ్ లో ఇంగ్లాండ్ టాస్ గెలిచి బౌలింగ్ ఎంచుకుంది. 15 పరుగుల వద్ద ఐర్లాండ్ తొలి వికెట్ కోల్పోయింది. ఆ తర్వాత వరుస వికెట్లు సమర్పించుకుంది. ఓపెనర్ జేమ్స్ మెక్ కల్లమ్-36; కర్టిస్ కాంపెర్-33; స్టిర్లింగ్-30 పరుగులతో రాణించారు. 56.2 ఓవర్లపాటు ఆడి 172 పరుగులకు ఆలౌట్ అయ్యింది.
ఆ తర్వాత బ్యాటింగ్ మొదలు పెట్టిన ఇంగ్లాండ్ తొలి వికెట్ కు 109 రన్స్ చేసింది. జాక్ క్రాలే 56 పరుగులు చేసి ఔట్ కాగా, బెన్ డకేట్-60; ఓలీ పోప్-29 పరుగులతో క్రీజులో ఉన్నారు.
