Pro Kabaddi: వివో ప్రో కబడ్డీ లీగ్ లో నేడు జరిగిన మ్యాచ్ ల్లో ఢిల్లీ పై జైపూర్, తెలుగు టైటాన్స్ పై తమిల్ తలైవాస్ విజయం సాధించాయి.
జైపూర్ పింక్ పాంథర్స్ – దబాంగ్ ఢిల్లీ జట్ల మధ్య జరిగిన తొలి మ్యాచ్ లో 36-30తో జైపూర్ గెలుపొందింది. తొలి అర్ధ భాగంలో 21-15తో జైపూర్ ఆధిక్యం సంపాదించగా రెండో భాగంలో 15-15తో రెండు జట్లూ సమంగా నిలిచాయి. దీనితో మ్యాచ్ ముగిసే నాటికి ఆరు పాయింట్ల తేడాతో జైపూర్ విజయం సాధించింది. జైపూర్ ఆటగాడు దీపక్ హుడా 12; అర్జున్ దేశ్వాల్-6 పాయింట్లు సాధించి విజయంలో కీలక పాత్ర పోషించారు. దబాంగ్ ఢిల్లీ ఆటగాడు విజయ్ 16 పాయింట్లతో రాణించాడు.
తమిల్ తలైవాస్-తెలుగు టైటాన్స్ జట్ల మధ్య జరిగిన రెండో మ్యాచ్ లో 43-25తో తలైవాస్ విజయం సాధించింది. తొలి అర్ధ భాగంలో 22-10తో భారీ ఆధిక్యం సంపాదించిన తలైవాస్ రెండోభాగంలో కూడా 21-15తో పైచేయి ప్రదర్శించింది. మ్యాచ్ ముగిసే సమయానికి 18 పాయింట్ల ఆధిక్యంతో ఘనవిజయం సాధించింది.
నేటి మ్యాచ్ లు పూర్తయిన తరువాత… దబాంగ్ ఢిల్లీ (54 పాయింట్లు); బెంగుళూరు బుల్స్ (51); పాట్నా పైరేట్స్ (50); జైపూర్ పింక్ పాంథర్స్ (45); తమిల్ తలైవాస్(44); యూ ముంబా (43) జట్లు టాప్ సిక్స్ లో ఉన్నాయి.
Also Read : ప్రొ కబడ్డీ: దూసుకుపోతున్న బెంగుళూరు
