అన్ని విధాల అర్హతలు ఉండి కుడా పదవి రాకపోతే బాధగానే ఉంటుందన్నారు కాంగ్రెస్ సీనియర్ నేత, భువనగిరి ఎంపి కోమటిరెడ్డి వెంకటరెడ్డి. బాధ ఉన్నంత మాత్రాన పార్టీ మారతారా అన్న కోమటిరెడ్డి నేను ఎప్పటికి కాంగ్రెస్ కార్యకర్తనే అని స్పష్టం చేశారు. చాలా పార్టీల నుంచి ఆఫర్ వచ్చినా పోలేదని గుర్తు చేశారు.
తెలంగాణ కోసం మంత్రి పదవికే రాజీనామా చేసిన చరిత్ర తనదన్న కోమటిరెడ్డి వెంకటరెడ్డి ప్రజా సేవ చేసేందుకు ఏ పదవి అవసరం లేదన్నారు. భువనగిరి ఎంపీగా రూపాయి ఖర్చు లేకుండా కాంగ్రెస్ కార్యకర్తలు తనను గెలిపించారన్నారు. నాకు పార్టీ మార్చే అవసరం లేదని, గ్రూపులు కట్టే అవసరం అంతకన్నా లేదని కోమటిరెడ్డి వెంకటరెడ్డి స్పష్టం చేశారు.
‘ఐ’ధాత్రి న్యూస్ డెస్క్ లో అనుభవజ్ఞులయిన జర్నలిస్టులు, కాపీ ఎడిటర్లు, అనువాదకులు, డిజైనర్లు, డిజిటల్ మీడియా సాంకేతిక నిపుణులు పనిచేస్తుంటారు.
