మహేష్ బాబు, త్రివిక్రమ్ శ్రీనివాస్.. వీరిద్దరి కలయికలో వస్తున్న మూడవ చిత్రం శరవేగంగా షూటింగ్ జరుపుకుంటుంది. ఇందులో క్రేజీ హీరోయిన్స్ పూజా హేగ్డే, శ్రీలీల నటిస్తున్నారు. హారిక అండ్ హాసిని క్రియేషన్స్ బ్యానర్ పై రాధాకృష్ణ ఈ చిత్రాన్ని నిర్మిస్తున్నారు. ఈ సినిమా ఫ్యామిలీ ఎంటర్ టైనర్ అని వార్తలు వచ్చాయి కానీ.. అసలు కథ ఏంటి..? మహేష్ బాబు క్యారెక్టర్ ఎలా ఉంటుంది..? అనేది బయటకు రాలేదు. ఇప్పుడు మహేష్ క్యారెక్టర్ గురించి ఓ ఇంట్రస్టింగ్ న్యూస్ బయటకు వచ్చింది.
ఇంతకీ విషయం ఏంటంటే… ఈ సినిమాలో మహేష్ క్యారెక్టర్ కి ఓ క్రేజీ డిసీజ్ ఉంటుందని.. ఇంటర్వెల్ లో రివీల్ అయ్యే ఈ డిసీజ్ కథను మలుపు తిప్పుతుందని ప్రచారం జరుగుతుంది. పైగా సెకండ్ హాఫ్ కథ మొత్తం ఈ డిసీజ్ చుట్టే తిరుగుతుంది అని తెలుస్తోంది. అయితే.. ఆ డిసీజ్ ఏమిటీ అనేది మాత్రం బయటకు రాలేదు. కథానాయకుడుకు డిసీజ్ అంటే.. అది కథలో ఎంతో కీలకం అయ్యి ఉంటుందో అర్థం చేసుకోవచ్చు. ఎంతైనా… త్రివిక్రమ్ ఈ కథ కోసం చాలా నెలలు కసరత్తులు చేశాడు. ఈ వార్త ప్రచారంలోకి వచ్చినప్పటి నుంచి అసలు కథ ఏంటి అనేది ఆసక్తిగా మారింది. అయితే.. ప్రచారంలో ఉన్నట్టుగా ఇది నిజమా కాదా అనేది కూడా తెలియాల్సివుంది.
మహేష్, త్రివిక్రమ్ కలయికలో అతడు, ఖలేజా చిత్రాల తర్వాత వస్తున్న సినిమా కావడంతో ఈ సినిమా పై భారీ అంచనాలు ఉన్నాయి. పైగా ఈ సినిమాను తెలుగుతో పాటు హిందీ, తమిళ, కన్నడ, మలయాళ భాషల్లో కూడా ఒకేసారి రిలీజ్ చేసేందుకు చిత్రబృందం ప్లాన్ చేస్తోందని టాక్ వినిపిస్తోంది. ఎస్ఎస్ థమన్ సంగీతం అందిస్తున్నారు. సంక్రాంతికి ఈ చిత్రాన్ని భారీ స్థాయిలో విడుదల చేసేందుకు ప్లాన్ చేస్తున్నారు. వరుస విజయాలు సాధిస్తున్న మహేష్ ఈ మూవీతో బిగ్గెస్ట్ బ్లాక్ బస్టర్ సాధిస్తాడేమో చూడాలి.
