Share to Facebook Share to Twitter share to whatapp share to telegram

తుఫాన్ ప్రభావిత ప్రాంతాల్లో పంట నష్టం అంచనాలు పారదర్శకంగా ఉండాలని రాష్ట్ర వ్యవసాయ శాఖ మంత్రి కురసాల కన్నబాబు అధికారులకు సూచించారు.  ముంపునకు గురైన ప్రాంతాల్లో శాస్త్రవేత్తల , అధికారులు పర్యటించాలని ఆదేశించారు. జిల్లాల జాయింట్ కలెక్టర్లు, వ్యవసాయ శాఖ ఉన్నతాధికారులతో మంత్రి టెలి కాన్ఫెరెన్స్ నిర్వహించారు,.

ఈ సందర్భంగా కన్నబాబు సూచనలు:

⦿ గులాబ్‌ తుఫాన్‌ ప్రభావం ఉత్తరాంధ్ర, ఉభయగోదావరి, కృష్ణా జిల్లాల్లో తుఫాన్‌ ప్రభావం తీవ్రంగా ఉంది
⦿ ఈ ఆరు జిల్లాల్లో అన్నదాతలకు అండగా ఉండాలి
⦿ ప్రాధమిక అంచనా ప్రకారం 1.63 లక్షల ఎకరాల్లో వ్యవసాయ, ఉద్యాన పంటలు ముంపునకు గురైనట్టు గుర్తించాం
⦿ ముంపునీరు పూర్తిగా తగ్గితే కానీ వాస్తవ నష్టాన్ని అంచనా వేయలేము
⦿ ముంపునకు గురైన వర్షపునీరు సాధ్యమైనంత త్వరగా కాలువల ద్వారా పోయేందుకు చర్యలు తీసుకోవాలి
⦿ జలవనరుల శాఖ ఎస్‌ఈలతో చర్చించి కాలువల్లో వర్షపు నీరుపోయేటట్టు చూడాలి
⦿ వ్యవసాయ, అనుబంధ రంగాల అధికారులు ఆయా జిల్లాల్లో విస్తృతంగా పర్యటించాలి
⦿ ముంపునకు గురైన పంట పొలాలు, తోటలను పరిశీలించాలి
⦿ నష్ట తీవ్రతను తగ్గించేలా రైతులకు తగిన సూచనలు, సలహాలు ఇవ్వాలి
⦿ గులాబ్ ప్రభావం ఎక్కువగా వున్న శ్రీకాకుళం , విజయనగరం జిల్లాల్లో సీనియర్ వ్యవసాయ శాఖా అధికారులు పర్యటించి ఆయా జిల్లాలు , రాష్ట్ర స్థాయి         అధికారులతో సమన్వయము చేసుకోవాలి.
⦿ వ్యవసాయ సలహా మండళ్ల సభ్యులు కూడా గ్రామాల్లో పర్యటించి రైతులకు అండగా నిలవాలి
⦿ ఆర్‌బీకే స్థాయి వరకు వ్యవసాయ, ఉద్యాన సిబ్బంది క్షేత్ర స్థాయిలో రైతులకు 24 గంటలూ అందు బాటులో ఉంటూ వారికి ధైర్యం చెప్పాలి
⦿ ముంపునీరు దిగి పోగానే ఎన్యుమరేషన్‌ బృందాలను రంగంలోకి దింపి ఏ ఒక్క రైతు నష్టపోకుండా పూర్తి పారదర్శకంగా తుది అంచనాలు రూపొందించాలి

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com