‘ఒక చిన్న ఫ్యామిలీ స్టోరీ’ ట్రైలర్ విడుదల చేసిన కింగ్ నాగార్జున

Nagarjuna Released The Trailer Of Oka Chinna Family Story 

దేశంలోనే అగ్రగామి ఓటీటీ వేదిక జీ-5  తాజాగా ‘ఒక చిన్న ఫ్యామిలీ స్టోరీ’ (OCFS) ఒరిజినల్ వెబ్ సిరీస్‌ను ప్రేక్షకుల ముందుకు తీసుకొస్తోంది. సంగీత్ శోభన్, సిమ్రాన్ శర్మ జంటగా, సీనియర్ నరేష్, తులసి, గెటప్ శీను ప్రధాన పాత్రల్లో నటించిన ఈ వెబ్ సిరీస్ ను మెగా డాటర్ నిహారిక కొణిదెల నిర్మించారు. మహేష్ ఉప్పాల దర్శకత్వం వహించారు. ఈ వెబ్ సిరీస్ ట్రైల‌ర్‌ను కింగ్ అక్కినేని నాగార్జున విడుదల చేశారు.

“మనందరిదీ ఒక పెద్ద ఫ్యామిలీ. సినిమా ఫ్యామిలీ. కానీ, ఈ మహేష్ ది చిన్న ఫ్యామిలీ అంట. మరి, ఈ చిన్న ఫ్యామిలీ స్టోరీ ఏంటో చూద్దాం రండి. మామూలుగా లేదుగా ట్విస్ట్. మరి, ఈ బరువు బాధ్యత మహేష్ తీసుకుంటాడంటారా? చూద్దాం. నవంబర్ 19న ‘జీ 5’లో ‘ఒక చిన్న ఫ్యామిలీ స్టోరీ’ని ఎక్స్‌ క్లూజివ్‌గా. నిహారిక, మహేష్ ఉప్పాల, టీమ్ అందరికీ ఆల్ ద బెస్ట్. ట్రైలర్ చూశాక ఈ ఫ్యామిలీ స్టోరీ చూడాలని నేను కూడా వెయిటింగ్” అని నాగార్జున అన్నారు.

“ట్రైలర్ విడుదల చేసిన నాగార్జున గారికి చాలా చాలా థాంక్స్. మేం అడిగిన వెంటనే ఒప్పుకొన్నారు. ‘ఒక చిన్న ఫ్యామిలీ స్టోరీ’కి వస్తే ఇదొక ఫ్యామిలీ ఎంటర్ టైన‌ర్ సిరీస్, కామెడీ డ్రామా అని చెప్పవచ్చు. పిల్లల నుంచి పెద్దల వరకూ అందరూ నవ్వుకునేలా ఉంటుంది. సంగీత్ శోభన్, సిమ్రాన్ శర్మ, నరేష్ గారు, తులసి గారు పాత్రల్లో జీవించారు. సిరీస్‌లో ఐదు ఎపిసోడ్స్ ఉన్నాయి. నవంబర్ 19న విడుదల చేస్తున్నాం. ‘జీ-5’లో సిరీస్ విడుదల కానుండడం ఎంతో సంతోషంగా ఉంది” అని నీహారిక చెప్పారు.

‘ఒక చిన్న ఫ్యామిలీ స్టోరీ’ (OCFS) దర్శకుడు మహేష్ ఉప్పాల మాట్లాడుతూ “నాగబాబు గారి పుట్టినరోజు సందర్భంగా వెబ్ సిరీస్ టైటిల్ వెల్లడించడంతో పాటు ఫస్ట్ లుక్ విడుదల చేశాం. తర్వాత నాని గారు టీజర్ విడుదల చేశారు. ఇప్పుడు నాగార్జున గారు ట్రైలర్ విడుదల చేశారు. మా సిరీస్ ప్రేక్షకులకు చేరువయ్యేలా చేసిన స్టార్ హీరోలకు థాంక్స్. ఫస్ట్ లుక్, టీజర్, ట్రైలర్… ప్రతిదానికి ప్రేక్షకుల స్పందన బావుంది. సిరీస్ కూడా ఆకట్టుకుంటుంది. మధ్య తరగతి కుటుంబం నేపథ్యంలో తెరకెక్కించిన ఈ సిరీస్ పిల్లలతో పాటు పెద్దల్ని కూడా ఆకట్టుకుంటుంది” అని చెప్పారు.

Also Read :

నవంబర్ 9న ‘బంగార్రాజు’ ఫస్ట్ వీడియో సాంగ్