Share to Facebook Share to Twitter share to whatapp share to telegram

పురుషుల టి20 వరల్డ్ కప్ లో మరో సంచలన విజయం నమోదైంది. సెమీస్ బెర్త్ కోసం కచ్చితంగా గెలవాల్సిన మ్యాచ్ లో సౌతాఫ్రికా జట్టు అనూహ్యంగా ఓటమి పాలైంది. దీనితో పాకిస్తాన్-బంగ్లాదేశ్ మ్యాచ్ ఫలితంపై సౌతాఫ్రికా బెర్త్ ఆధారపడి ఉంటుంది.

ఈరోజు జరిగిన తొలి మ్యాచ్ లో నెదర్లాండ్స్ అందించిన 159 పరుగుల లక్ష్యాన్ని సాధించడంలో ప్రోటీస్ జట్టు విఫలమై 20 ఓవర్లలో 8 వికెట్లు కోల్పోయి 145 పరుగులు మాత్రమే చేయగలిగింది. 13 పరుగుల తేడాతో డచ్ జట్టు గెలిచింది.

అడిలైడ్ ఓవల్ మైదానంలో జరిగిన ఈ మ్యాచ్ లో సౌతాఫ్రికా టాస్ గెలిచి బౌలింగ్ ఎంచుకుంది. డచ్ జట్టులో ఆకేర్ మాన్ 26 బంతుల్లో 3ఫోర్లు, 2సిక్సర్లతో 41 (నాటౌట్); ఓపెనర్ మైబర్గ్-37; టామ్ కూపర్-35; మాక్స్ ఓదౌద్-29 పరుగులతో రాణించడంతో నిర్ణీత 20 ఓవర్లలో 4 వికెట్లు కోల్పోయి 158 పరుగులు చేసింది.

ప్రోటీస్ బౌలర్లలో కేశవ్ మహారాజ్ రెండు; నార్త్జ్, ఏడెన్ మార్ క్రమ్ చెరో వికెట్ పడగొట్టారు.

లక్ష్య ఛేదనలో సౌతాఫ్రికా తడబడింది. ఓ చక్కని భాగస్వామ్యం నమోదు చేయడంలో విఫలమైంది. రీలీ రోస్సో 25 పరుగులతో టాప్ స్కోరర్ గా నిలిచాడు. హీన్రిచ్ క్లాసేన్ 21; కెప్టెన్ బావుమా-20 పరుగులు చేశారు.

నెదర్లాండ్స్ బౌలర్లలో బ్రాండన్ గ్లోవర్ మూడు; బాస్ లే దే, ఫ్రెడ్ క్లాసేన్ చెరో రెండు; మీకేరాన్ ఒక వికెట్ పడగొట్టారు. కొలిన్ అకేర్మేన్ కు ‘ప్లేయర్ అఫ్ ద మ్యాచ్’ దక్కింది.

Also Read ICC Men’s T20 World Cup 2022:  ఆఫ్ఘన్ పై ఆసీస్ గెలుపు

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com