పాకిస్తాన్ తో జరుగుతోన్న రెండో టెస్టులో న్యూ జిలాండ్ తొలి ఇన్నింగ్స్ లో 449 పరుగులకు ఆలౌట్ అయ్యింది. ఆరు వికెట్లకు 309 పరుగుల ఓవర్ నైట్ స్కోరుతో రెండోరోజు ఆట మొదలు పెట్టిన కివీస్ జట్టులో మాట్ హెన్రీ-68; టామ్ బ్లండేల్-51; అజాజ్ పటేల్ -35 పరుగులతో రాణించడంతో 449 పరుగులు సాధించింది.
పాకిస్తాన్ బౌలర్లలో అబ్రార్ అహ్మద్ 4; నషీమ్ షా, ఆఘా సల్మాన్ చెరో 3 వికెట్లు పడగొట్టారు.
పాకిస్తాన్ తొలి ఇన్నింగ్స్ లో రెండో రోజు ఆట ముగిసే సమయానికి 3 వికెట్లకు 154 పరుగులు చేసింది. అబ్ధుల్లా షఫీక్-19; షాన్ మసూద్-20; కెప్టెన్ బాబర్ అజామ్-24 పరుగులు చేసి ఔటయ్యారు. ఓపెనర్ ఇమామ్ ఉల్ హక్-71; షాద్ షకీల్-13 పరుగులతో క్రీజులో ఉన్నారు.
