ఎన్టీఆర్ ఆర్ఆర్ఆర్ మూవీలో కొమరం భీమ్ పాత్రను అద్భుతంగా పోషించడంతో విమర్శకుల ప్రశంసలు అందుకున్నాడు. అలాగే దేశవిదేశాల్లో ఎన్టీఆర్ కు మంచి క్రేజ్ వచ్చింది. దీంతో ఈ క్రేజ్ కు తగ్గట్గుగానే భారీ పాన్ ఇండియా చిత్రాలు చేస్తున్నాడు. కొరటాల శివతో భారీ పాన్ ఇండియా మూవీ చేస్తున్నాడు. ఇందులో ఎన్టీఆర్ కు జంటగా జాన్వీ కపూర్ నటిస్తుంది. ఈ నెలలోనే షూటింగ్ స్టార్ట్ చేసి.. వచ్చే నెల నుంచి రెగ్యులర్ షూటింగ్ స్టార్ట్ చేయడానికి ప్లాన్ చేస్తున్నారు. ఈ చిత్రాన్ని నందమూరి కళ్యాణ్ రామ్, మిక్కిలినేని సుధాకర్ సంయుక్తంగా నిర్మిస్తున్నారు.
అయితే.. ఈ సినిమాతో పాటు ఎన్టీఆర్.. ప్రశాంత్ నీల్ తో కూడా భారీ పాన్ ఇండియా మూవీ చేయనున్నారు. ఈ మూవీకి సంబంధించి ఫస్ట్ లుక్ రిలీజ్ చేశారు. ఈ లుక్ బయటకు వచ్చినప్పటి నుంచి ఈ సినిమా పై మరింత క్రేజ్ పెరిగింది. అయితే.. ఈ ప్రాజెక్ట్ కి సంబంధించి పక్కా ప్లాన్ రెడీగా ఉందట. ఇంతకీ ఏంటా ప్లాన్ అంటే… ప్రశాంత్ నీల్ సలార్ మూవీ షూటింగ్ ఈ నెల ఆఖరు లేదంటే మార్చి మొదటి వారంలో కంప్లీట్ చేస్తారట. ఆతర్వాత పోస్ట్ ప్రొడక్షన్ పై దృష్టి పెడతాడట. ఈ నేపధ్యంలో ఆగష్టు నుంచి ఎన్టీఆర్ తో చేయనున్న మూవీకి సంబందించిన ప్రీ ప్రొడక్షన్ వర్క్ ని స్టార్ట్ చేస్తారట.
సెప్టెంబర్ 28న సలార్ మూవీ రిలీజ్ అయిన తర్వాత నవంబర్ లేదా డిసెంబర్ నెలలో ఎన్టీఆర్ తో మూవీ షూటింగ్ మొదలు పెట్టేలా ప్లాన్ చేశారని తెలిసింది. అప్పటికి ఎన్టీఅర్, కొరటాల మూవీ షూటింగ్ కంప్లీట్ అవుతుందట. ఎన్టీఆర్, కొరటాల మూవీ షూటింగ్ వైజాగ్, హైదరాబాద్, గోవాలో మాత్రమే జరగనుంది. ఈ నేపధ్యంలో గ్యాప్ లేకుండా షెడ్యూల్స్ ని కొరటాల ప్లాన్ చేసినట్లు టాక్ వినిపిస్తోంది. మొత్తానికి ఎన్టీఆర్ వరుసగా భారీ్ పాన్ ఇండియా మూవీస్ చేస్తున్నారు. మరి.. కొరటాల, ప్రశాంత్ నీల్ తో చేసే సినిమాలతో ఏ రేంజ్ సక్సెస్ సాధిస్తారో చూడాలి.
