పురుషుల టి20 వరల్డ్ కప్ లో పాకిస్తాన్ తొలి విజయం నమోదు చేసింది. నెదర్లాండ్స్ తో నేడు జరిగిన మ్యాచ్ లో6 వికెట్ల తేడాతో గెలుపొందింది. పాక్ బౌలర్ల ధాటికి డచ్ బ్యాట్స్ మెన్ చేతులెత్తేశారు. 20 ఓవర్లలో 9 వికెట్లు కోల్పోయి 91 పరుగులు మాత్రమే చేయగలిగారు. జట్టు మొత్తంలో ఆకేర్మాన్-27; కెప్టెన్ ఎడ్వర్డ్స్-15 మాత్రమే రెండంకెల స్కోరు చేయగలిగారు. పాక్ బౌలర్లలో షాదాబ్ ఖాన్ మూడు; మహమ్మద్ వసీమ్ జూనియర్ రెండు; షహీద్ ఆఫ్రిది, నసీమ్ షా, హారిస్ రాఫ్ తలా ఒక వికెట్ సాధించారు.
ఈ లక్ష్యాన్ని పాకిస్తాన్ నాలుగు వికెట్లు కోల్పోయి 13.5 ఓవర్లలో ఛేదించింది. కెప్టెన్ బాబర్ అజామ్ కేవలం నాలుగు పరుగులే చేసి రనౌట్ అయ్యాడు. మహమ్మద్ రిజ్వాన్-49; ఫఖర్-20; షాన్ మసూద్- 12 పరుగులు చేశారు.
మూడు వికెట్లు తీసిన షాదాబ్ ఖాన్ కు ‘ప్లేయర్ అఫ్ ద మ్యాచ్’ దక్కింది.
