ఎమ్మెల్యే కోటా ఎమ్మెల్సీ ఎన్నికల పోలింగ్ పూర్తయ్యింది. మొత్తం 175 ఎమ్మెల్యేలు తమ ఓటు హక్కును వినియోగించుకున్నారు. రాష్ట్ర ముఖ్యమంత్రి వైఎస్ జగన్ మోహన్ రెడ్డి మొదటి ఓటును వినియోగించుకోగా నెల్లిమర్ల ఎమ్మెల్యే బొడ్డుకొండ అప్పలనాయుడు చివరిగా తన ఓటు వేశారు. ఈ ఉదయం అప్పల నాయుడు కుమార్తె వివాహం విజయనగరంలో జరిగింది. వివాహం పూర్తయిన తరువాత ఓటేసేందుకు విశాఖ నుంచి ప్రత్యెక విమానంలో గన్నవరం వచ్చారు. అక్కడినుంచి నేరుగా అసెంబ్లీకి చేరుకొని ఓటు వేశారు. సాయంత్రం 5 గంటలకు కౌంటింగ్ ప్రారంభమవుతుంది. వెంటనే ఫలితాలు ప్రకటిస్తారు.
తెలుగుదేశం పార్టీ అధ్యక్షుడు చంద్రబాబునాయుడు ఉండవల్లి లోని తన నివాసంలో ఎమ్మెల్యేలతో సమావేశమయ్యారు. అనతరం వారితో కలిసి అసెంబ్లీకి చేరుకొని తన ఓటు హక్కు వినియోగించుకున్నారు.
Also Read : MLC Elections: ఎమ్మెల్సీ ఎన్నికల పోలింగ్ ప్రారంభం
‘ఐ’ధాత్రి న్యూస్ డెస్క్ లో అనుభవజ్ఞులయిన జర్నలిస్టులు, కాపీ ఎడిటర్లు, అనువాదకులు, డిజైనర్లు, డిజిటల్ మీడియా సాంకేతిక నిపుణులు పనిచేస్తుంటారు.
