ప్రభాస్ నటిస్తున్న భారీ క్రేజీ మూవీ ‘ఆదిపురుష్‘. ఈ చిత్రానికి ఓంరౌత్ దర్శకత్వం వహిస్తున్నారు. రామాయం ఆధారంగా రూపొందుతోన్న ఈ చిత్రంలో ప్రభాస్ రాముడుగా నటిస్తుంటే.. కృతి సనన్ సీతగా నటిస్తుంది సైఫ్ ఆలీఖాన్ రావణుడుగా నటిస్తున్నారు. ఆమధ్య రిలీజ్ చేసిన ఆదిపురుష్ టీజర్ కు మిశ్రమ స్పందన రావడంతో పోస్ట్ ప్రొడక్షన్ వర్క్ పై మరింత శ్రద్ధ పెట్టారు. అదనంగా 100 కోట్లు బడ్జెట్ పెరుగుతున్నప్పటికీ.. క్వాలిటీ బాగుండాలనే ఉద్దేశ్యంతో మళ్లీ గ్రాఫిక్స్ పై వర్క్ చేస్తున్నారు.
ఈ చిత్రాన్ని సంక్రాంతికి రిలీజ్ చేయాలి అనుకున్నారు కానీ.. జూన్ 16కు వాయిదా వేశారు. ఇప్పుడు రిలీజ్ డేట్ దగ్గర పడుతుండడంతో పోస్ట్ ప్రొడక్షన్ వర్క్ లో మరింతగా స్పీడు పెంచారు. తాజా సమాచారం ప్రకారం.. శ్రీరామనవమికి స్పెషల్ పోస్టర్ కానీ.. టీజర్ కానీ రిలీజ్ చేయాలి అనుకుంటున్నారు. ఆతర్వాత మే నెలలో ఆదిపురుష్ ట్రైలర్ రిలీజ్ చేయడానికి ప్లాన్ చేస్తున్నారు. ఇక ప్రభాస్ నటిస్తున్న మరో భారీ, క్రేజీ మూవీ ‘సలార్’. ప్రభాస్, ప్రశాంత్ నీల్ కలిసి సినిమా చేస్తుండడంతో సలార్ మూవీ పై అటు అభిమానుల్లోనూ, ఇటు ఇండస్ట్రీలోనూ భారీ అంచనాలు ఏర్పడ్డాయి.
ప్రస్తుతం సలార్ షూటింగ్ విదేశాల్లో జరుగుతుంది. ఇంకా 15 నుంచి 20 రోజుల షూటింగ్ బ్యాలెన్స్ ఉంది. దీంతో సలార్ షూటింగ్ మొత్తం పూర్తవుతుంది. ఆతర్వాత పోస్ట్ ప్రొడక్షన్ వర్క్ స్టార్ట్ చేయనున్నారు. ఇందులో ప్రభాస్ కు జంటగా శృతిహాసన్ నటిస్తుంది. ఈ మూవీ ఫస్ట్ లుక్ సినిమా పై మరింత క్యూరియాసిటీని పెంచేశాయి. ప్రభాస్ ను మరింత పవర్ ఫుల్ గా చూపిస్తుండడంతో అభిమానులు ఎప్పుడెప్పుడు సలార్ మూవీ రిలీజ్ అవుతుందా అని ఈగర్ గా వెయిట్ చే్స్తున్నారు. సెప్టెంబర్ 28న సలార్ మూవీ రిలీజ్ కానుంది. మరి.. ఆదిపురుష్, సలార్ చిత్రాలతో ప్రభాస్ సరికొత్త రికార్డులు సెట్ చేస్తాడేమో చూడాలి.
Also Read : ఆదిపురుష్ మూవీకి పోటీగా హాలీవుడ్ మూవీ
