Share to Facebook Share to Twitter share to whatapp share to telegram

యంగ్ హీరో రాజ్ తరుణ్, డైరెక్టర్ శ్రీను గవిరెడ్డి కాంబినేషన్‌లో అవుట్ అండ్ అవుట్ ఎంటర్టైనర్‌గా రూపొందుతోన్న చిత్రం `అనుభవించు రాజా` . ఈ సినిమాను అన్నపూర్ణ స్టూడియోస్, శ్రీ వెంకటేశ్వర సినిమాస్ ఎల్ఎల్‌పి సంస్థ‌లు సంయుక్తంగా నిర్మిస్తున్నాయి. కింగ్ నాగార్జున రిలీజ్ చేసిన ఈ సినిమా ఫ‌స్ట్ లుక్ పోస్ట‌ర్‌కు మంచి రెస్పాన్స్ వ‌చ్చింది. ఇప్పుడు ఈ సినిమా టీజ‌ర్‌ను మెగా పవర్ స్టార్ రామ్ చరణ్ విడుదల చేశారు. ఈ సంద‌ర్భంగా రామ్ చరణ్ మాట్లాడుతూ..‘అనుభవించు రాజా టీజర్ చాలా ఎంట‌ర్‌టైనింగ్‌గా ఉంది. చాలా ఎంజాయ్ చేశాను..మీకు కూడా నచ్చుతుంది’ అంటూ యూనిట్‌కు ఆల్ ది బెస్ట్ చెప్పారు.

భీమవరంలో కోడి పందెం సెటప్ ను చూపిస్తూ పందెం రాయుళ్లందరికీ స్వాగతం పలకడంతో ఈ టీజర్ ప్రారంభమైంది. ‘అనుభవించు రాజా..’ అంటూ సూపర్ హిట్ ఓల్డ్ సాంగ్ ప్లే అవుతుండగా.. రాజ్ తరుణ్ ను విలాసాలకు అలవాటు పడిన జూదగాడిగా రాజ్ తరుణ్ తన స్టైల్లో ఎంట్రీ ఇస్తారు. పందెం కాయడం, బెట్టింగ్ వేయడం, గ్యాంబ్లింగ్ చేయడం, పేకాట ఆడటం, రికార్డు డ్యాన్సులు చేయడం వంటి మాస్ ఎలిమెంట్స్‌ కనిపిస్తున్నాయి. “అయినా బంగారం గాడు ఊర్లోని….. ఆడి పుంజు బరిలోని ఉండగా.. ఇంకొకడు గెలవడం కష్టం…” అని మీసాలు తిప్పుతూ రాజ్ తరుణ్ కనిపించాడు. ఆయనలోని ఎనర్జీ మొత్తం టీజర్‌లో కనిపిస్తోంది. ఇక టీజర్ చివర్లో ‘నువ్వు గెలిచి నా పరువు కాపాడితే.. సాయంత్రం నీ గంప కింద నాలుగు పెట్టలు పెడతా’ అంటూ పందెం పుంజుతో మాట్లాడటం అలరిస్తోంది. గోపీ సుందర్ అందించిన నేపథ్య సంగీతం ఈ చిత్రానికి అతి పెద్ద బలంగా మారింది.

సుప్రియ యార్లగడ్డ నిర్మిస్తున్న ఈ చిత్రంలో రాజ్ తరుణ్ సరసన కాశిష్ ఖాన్ హీరోయిన్ గా నటిస్తోంది. పోసాని కృష్ణమురళి – ఆడుకాలమ్ నరేన్ – అజయ్ – సుదర్శన్ – టెంపర్ వంశీ – ఆదర్శ్ బాలకృష్ణ – రవి కృష్ణ – భూపాల్ రాజు – అరియానా తదితరులు ఇతర పాత్రలు పోషిస్తున్నారు. భాస్కర భట్ల ఈ చిత్రానికి పాటలు అందిస్తున్నారు. చోటా కె ప్రసాద్ ఎడిటర్‌గా వ్యవహరిస్తున్నారు. ప్రస్తుతం ఈ చిత్రయూనిట్ పోస్ట్ ప్రొడక్షన్ పనుల్లో బిజీగా ఉంది. ఇక త్వరలోనే థియేటర్లో సందడి చేసేందుకు ‘అనుభవించు రాజా’ రెడీ అవుతోంది.

Leave a Reply

Your email address will not be published. Required fields are marked *

Powered by Digital Ocean Design and Developed by Trade2online.com