రష్మిక ఇప్పుడు వరుస సినిమాలతో దూసుకుపోతోంది. ఇంతవరకూ ఆమె టాలీవుడ్ లో పూజ హెగ్డే .. కీర్తి సురేశ్ తో పోటీపడుతూ వచ్చింది. అయితే అనుకోకుండా ఈ ఇద్దరు హీరోయిన్స్ కి ఇక్కడ ప్రాజెక్టుల విషయంలో గ్యాప్ వచ్చేసింది. త్వరలో వాళ్ల నుంచి వచ్చే సినిమాలేవీ కనిపించడం లేదు. ఒక్క రష్మిక చేసిన ‘పుష్ప 2’ మాత్రమే ప్రేక్షకుల ముందుకు రావడానికి రెడీ అవుతోంది. ఆగస్టు 15వ తేదీన ఈ సినిమా విడుదల కానుంది. ఇది పాన్ ఇండియా సినిమా కావడంతో, రష్మిక కెరియర్ కి మరింత హెల్ప్ కానుంది.
‘పుష్ప’ సినిమాతోనే రష్మిక భారీ ప్రాజెక్టులను తన చేతుల్లోకి తెచ్చుకుంది. ప్రస్తుతం ఆమె బాలీవుడ్ సినిమాలతో బిజీగా ఉండటానికి కారణం కూడా ఆ సినిమానే. అలాంటి సినిమాకి సీక్వెల్ గా వస్తున్న ‘పుష్ప 2’ కోసమే ఆమె కూడా వెయిట్ చేస్తోంది. ఇక ఆ తరువాత విజయ్ దేవరకొండతో కలిసి మరోసారి సెట్స్ పైకి వెళ్లనుంది. ఈ నేపథ్యంలోనే ఎన్టీఆర్ సినిమాకి సంబంధించి ఆమె పేరు తెరపైకి వచ్చింది. ఇప్పుడు ఈ వార్తనే ఇండస్ట్రీలో బలంగా వినిపిస్తోంది.
ప్రస్తుతం కొరటాల దర్శకత్వంలో ‘దేవర’ సినిమా చేస్తున్న ఎన్టీఆర్, ఆ తరువాత సినిమాను ప్రశాంత్ నీల్ తో చేయనున్నాడు. అందుకు సంబంధించిన సన్నాహాలు జరుగుతున్నాయి. ఈ సినిమాలో కథానాయికగా రష్మికను తీసుకోవాలనే నిర్ణయానికి వచ్చినట్టుగా తెలుస్తోంది. అదే నిజమైతే ఎన్టీఆర్ తో రష్మిక చేసే ఫస్టు మూవీ ఇదే అవుతుంది. అలాగే ఆమె చేస్తున్న పాన్ ఇండియా సినిమాల జాబితాలో ఈ సినిమా కూడా చేరిపోతుంది.
