బర్నింగ్ స్టార్ సంపూర్ణేష్ బాబు హీరోగా కెఎస్ క్రియేషన్స్ పతాకంపై బోడెంపూడి కిరణ్ కుమార్ సమర్పణలో తెరకెక్కిన సినిమా బజార్ రౌడి. వసంత నాగేశ్వరరావు తెరకెక్కిస్తున్న ఈ సినిమాను సంధిరెడ్డి శ్రీనివాసరావు నిర్మిస్తున్నారు. ఇప్పటికే విడుదలైన ఫస్ట్ లుక్, టీజర్‌కు అద్భుతమైన రెస్పాన్స్ వచ్చింది. సంపూర్ణేష్ బాబు పక్కా మాస్ క్యారెక్టర్‌లో ప్రేక్షకులను అలరిస్తున్నారు. తాజాగా ఈ సినిమా సెన్సార్ కార్యక్రమాలు పూర్తి చేసుకుంది. దీనికి U/A సర్టిఫికేట్ ఇచ్చారు సభ్యులు. పెద్దలు మాత్రమే కాదు.. చిన్న పిల్లలు కూడా హాయిగా సంపూర్ణేష్ బాబు సినిమా చూడొచ్చంటూ సెన్సార్ సభ్యులు చెప్పేశారు.
సినిమా చూస్తున్నంతసేపు నవ్వుకోవడం ఖాయమని అంటున్నారు చిత్ర యూనిట్. సీనియర్ రైటర్ మరుధూరి రాజా ఈ సినిమాకు మాటలు రాశారు. గౌతంరాజు ఎడిటింగ్ చేసిన ఈ సినిమాకు SS ఫ్యాక్టరీ సంగీతం సమకూర్చారు. ఈ సినిమాకు ఏ విజయ్ కుమార్ సినిమాటోగ్రఫీ అందించారు. ఆగస్ట్ 20న బజార్ రౌడి సినిమాను విడుదల చేయనున్నారు దర్శక నిర్మాతలు. సంపూర్ణేష్ బాబు, సాయాజి షిండే, 30 ఇయర్స్ పృథ్వి, కత్తి మహేష్ తదితరులు నటించిన ఈ చిత్రానికి సమర్పణ: బోడెంపూడి కిరణ్ కుమార్, బ్యానర్: కె ఎస్ క్రియేషన్స్, మాటలు: మరుధూరి రాజా, సంగీతం: ఎస్ఎస్ ఫ్యాక్టరీ, ఎడిటింగ్: గౌతం రాజు, సినిమాటోగ్రఫీ: ఏ విజయ్ కుమార్, పిఆర్ఓ: ఏలూరు శ్రీను, మేఘ శ్యామ్, నిర్మాత: సంధిరెడ్డి శ్రీనివాసరావు, దర్శకుడు: వసంత నాగేశ్వరరావు.
తెలుగు, జర్నలిజం, పాలిటిక్స్ లో పోస్ట్ గ్రాడ్యుయేషన్లు. ప్రింట్, టీవీ మీడియాల్లో 17 ఏళ్లు పాటు సినిమా జర్నలిస్టుగా అనుభవం. వివిధ సినీ వార పత్రికలు, దిన పత్రిక, ఎలెక్ట్రానిక్ మీడియాలో, వెబ్ సైట్ లో వర్క్ చేసిన అనుభవం.