ప్రముఖ విద్యుత్ వాహనాల తయారీ కంపెనీ టెస్లా అధినేత ఎలాన్ మస్క్ భారత్లో శాటిలైట్ ఇంటర్నెట్ సేవలపై దృష్టి పెట్టారు. తమ స్టార్ లింక్ సేవల అనుమతుల కోసం ఎదురు చూస్తున్నామని గురువారం ఆయన ట్వీట్టర్లో పేర్కొన్నారు. దేశంలో ఈ సేవలు అందుబాటులోకి వస్తే సెల్ఫోన్ టవర్లు, కేబుళ్లతో పాటు శాటిలైట్ ఇంటర్నెట్ సేవలు లభించనున్నాయి. ఒక చిన్న యాంటెన్నాతో ఇంటర్నెట్ను పొందడానికి వీలుంది.
మరో వైపు స్టార్ లింక్ బ్రాడ్ బ్యాండ్ ఈ నెల నుంచి ప్రపంచ వ్యాప్తంగా అందుబాటులోకి వస్తోంది. స్టార్ లింక్ బీటా సర్వీసెస్ అమెరికా, ఆస్ట్రేలియా తో సహా 11 దేశాల్లో ఇప్పటికే సేవలు అందిస్తోంది.
