Friday, March 1, 2024
Homeసినిమాఆకట్టుకుంటున్న ‘ల‌క్కీ ల‌క్ష్మ‌ణ్‌’ ట్రైల‌ర్‌

ఆకట్టుకుంటున్న ‘ల‌క్కీ ల‌క్ష్మ‌ణ్‌’ ట్రైల‌ర్‌

బిగ్ బాస్ ఫేమ్ స‌య్య‌ద్ సోహైల్‌, మోక్ష హీరో హీరోయిన్లుగా న‌టిస్తోన్న చిత్రం ‘లక్కీ లక్ష్మ‌ణ్’.  ద‌త్తాత్రేయ మీడియా గ్యారంటీడ్ ఎంట‌ర్‌టైన్‌మెంట్‌ బ్యాన‌ర్‌ పై ఎ.ఆర్‌.అభి దర్శ‌క‌త్వంలో హ‌రిత గోగినేని ఈ సినిమాను నిర్మిస్తున్నారు. డిసెంబర్ 30న సినిమా గ్రాండ్ రిలీజ్ అవుతుంది. ఈ సంద‌ర్బంగా ‘ల‌క్కీ ల‌క్ష్మ‌ణ్‌’ ట్రైలర్‌ను విడుద‌ల చేశారు.

లైఫ్‌లో డ‌బ్బులు సంపాదించాల‌నుకునే ఓ యువ‌కుడు ఏం చేయాల‌ని తెగ ఆలోచిస్తాడు. కోటీశ్వ‌రుల కూతురుని ప్రేమించి పెళ్లి చేసుకుంటే లైఫ్ సెటిలైపోతుంద‌ని భావించి అమ్మాయిల వెంట‌ప‌డ‌తాడు. చివ‌ర‌కు ఓ అమ్మాయిని ప్రేమిస్తాడు. నిజంగా ఆ అమ్మాయి డ‌బ్బున్న అమ్మాయేనా? ప్రేమించాలంటే డ‌బ్బులు మాత్ర‌మే ఉండాలా? అనే ఓ పాయింట్‌ పై ద‌ర్శ‌కుడు ల‌క్కీ ల‌క్ష్మ‌ణ్‌ను ఎంత ఆస‌క్తిక‌రంగా తెరెక్కించాడ‌నే తెలియాలంటే డిసెంబ‌ర్ 30న సినిమాను చూడాల్సిందే.

నిర్మాత హ‌రిత గోగినేని మాట్లాడుతూ ‘‘హీరో సోహైల్ త‌న‌దైన న‌ట‌న‌తో అద్భ‌తుంగా న‌టించారు. డిసెంబ‌ర్ 30న సినిమా చూస్తే మీరే చెబుతారు. మేం కూడా చాలా ఎగ్జ‌యిట్‌మెంట్‌తో వెయిట్ చేస్తున్నాం. మంచి సినిమాను మీ ముందుకు తీసుకొస్తున్నామని నమ్మకంగా ఉన్నాం’’ అన్నారు.

హీరో సోహైల్ మాట్లాడుతూ ‘‘రీసెంటుగా రిలీజైన టీజ‌ర్‌కు సూప‌ర్బ్ రెస్పాన్స్ వ‌చ్చింది. ఇప్పుడు ట్రైల‌ర్‌కు కూడా దాన్ని మించిన రెస్పాన్స్ వ‌స్తుంది. నేను ప‌డ్డ క‌ష్టానికి డిసెంబ‌ర్ 30న రిజ‌ల్ట్ వ‌స్తుంద‌ని అనుకుంటున్నాను. ల‌క్కీ ల‌క్ష్మ‌ణ్ అంద‌రినీ మెప్పించే సినిమా అవుతుంది’’ అన్నారు. .

ద‌ర్శ‌కుడు ఎ.ఆర్‌.అభి మాట్లాడుతూ.. ‘‘టీజర్ చూసి అప్రిషియేట్ చేసిన ఆడియెన్స్ నుంచిట్రైలర్‌కి కూడా అమేజింగ్ రెస్పాన్స్ వ‌స్తుంటే చాలా హ్యాపీగా ఉంది. ల‌క్కీ ల‌క్ష్మ‌ణ్ ఎంట‌ర్‌టైన్మెంట్‌తో న‌వ్విస్తాడు.. మిమ్మ‌ల్ని ప్రేమ‌లో ప‌డేస్తాడు.. ఎమోష‌నల్‌గా మీ హృద‌యాల‌కు ద‌గ్గ‌ర‌వుతాడు. సోహైల్ ఈ సినిమాతో మంచి హీరోగా ప్రూవ్ చేసుకుంటాడు’’ అన్నారు.

RELATED ARTICLES

Most Popular

న్యూస్