Share to Facebook Share to Twitter share to whatapp share to telegram

Sukku on Demand: క్రియేటివ్ డైరెక్ట‌ర్ సుకుమార్ తెర‌కెక్కించిన తాజా చిత్రం ‘పుష్ప‌’. ఈ చిత్రం బ‌న్నీ, సుక్కు.. ఇద్ద‌రికీ ఫ‌స్ట్ పాన్ ఇండియా మూవీ. దీంతో పుష్ప సినిమా నార్త్ ఆడియ‌న్స్ ని ఎంత వ‌ర‌కు మెప్పిస్తుంది.?   బాలీవుడ్ బాక్సాఫీస్ ద‌గ్గ‌ర ఏ రేంజ్ స‌క్స‌స్ సాధిస్తుంది అనుకుంటే… అంచ‌నాల‌కు మించిన విజయం సాధించి బాలీవుడ్ సినీ పండితుల‌ను సైతం షాక్ కి గురి చేసింద‌ని చెప్ప‌చ్చు. ఆ రేంజ్ కలెక్ష‌న్స్ ను వ‌సూలు చేసింది. దీంతో డైరెక్ట‌ర్ సుకుమార్ కి డిమాండ్ బాగా పెరిగింది.

దీంతో సుకుమార్ తో సినిమా చేయ‌డానికి అన్ని భాష‌ల హీరోలు ఇంట్ర‌స్ట్ చూపిస్తున్నారు. ఓ బాలీవుడ్ హీరో సుకుమార్ తో సినిమా చేయాలి అనుకుంటున్నారు. ఈ విష‌యాన్ని స్వ‌యంగా సుకుమార్ ఈ మధ్య ఓ ఇంటర్వ్యూలో రివీల్ చేశాడు. అలాగే కోలీవుడ్ స్టార్ హీరో కూడా సుకుమార్ తో ఓ సినిమా చేయబోతున్నాడనే వార్తలు వ‌స్తున్నాయి. ఆ కోలీవుడ్ స్టార్ హీరో మరెవరో కాదు ధనుష్.

ధ‌నుష్ టాలీవుడ్ యంగ్ డైరెక్ట‌ర్ వెంకీ అట్లూరితో సార్ అనే సినిమా చేస్తున్నాడు. అలాగే టాలీవుడ్ సెన్సిబుల్ డైరెక్ట‌ర్ శేఖ‌ర్ కమ్ముల‌తో కూడా ధ‌నుష్ ఓ సినిమా చేస్తున్నాడు. ఇప్పుడు సుకుమార్ తో కూడా ధ‌నుష్ సినిమా చేయ‌నున్నార‌ని.. ఈ మూవీ ఆల్రెడీ ఫిక్స్ అయ్యింద‌ని గ‌ట్టిగానే వార్త‌లు వినిపిస్తున్నాయి. అయితే… సుకుమార్ పుష్ప 2 చేయాలి. ఆత‌ర్వాత విజ‌య్ దేవ‌ర‌కొండ‌తో సినిమా చేయాలి. అలాగే ధ‌నుష్  తెలుగుతో పాటు కోలీవుడ్ లో కూడా కొన్ని సినిమాలు క‌మిట్ అయ్యాడు. ఇవ‌న్నీ పూర్తైన త‌ర్వాత… ధ‌నుష్, సుకుమార్ కాంబినేష‌న్ మూవీ సెట్స్ పైకి రావాలంటే కొన్నాళ్లు ఆగాల్సిందే.

Leave a Reply

Your email address will not be published.

Powered by Digital Ocean Design and Developed by Trade2online.com