రంగారెడ్డి జిల్లా అబ్దుల్లాపూర్ మెట్ మండలం తొర్రూరు మున్సిపాలిటీ పరిధిలో హైదరాబాద్ మెట్రో పాలిటన్ డెవలప్ మెంట్ అథారిటీ(హెచ్ఎండిఏ) రూపొందించిన ‘‘తొర్రూర్ లే అవుట్’’ లో ప్లాట్లు హాట్ కేకుల్లా అమ్ముడుపోతున్నాయి.
రెండో దఫా 140 ప్లాట్లను వరుసగా మూడు రోజుల పాటు ఆన్ లైన్ వేలం ద్వారా హెచ్ఎండిఏ విక్రయించనుంది.
ఆన్ లైన్ వేలం ప్రక్రియలో భాగంగా శుక్రవారం రెండు సెషన్లలో 42 ప్లాట్ల కు జరిగిన ఆన్ లైన్ వేలంలో 41 ప్లాట్లకు కొనుగోలుకు ఔత్సాహికులు పోటీ పడ్డారు.
మార్నింగ్ సెషన్లో అత్యధికంగా గజం రూ.33,000లు ధరకు పలుకగా, అత్యల్పంగా గజం రూ.23,000లు పలికింది.
ఈవినింగ్ సెషన్ లో అత్యధికంగా గజం రూ.35,500లు బిడ్ చేయగా, అత్యల్పంగా గజం రూ.21,000లకు ధర పలికింది.
శుక్రవారం రూ.33.58 కోట్ల విలువజేసే 41 ప్లాట్లు ఆన్ లైన్ వేలం ద్వారా అమ్మకాలు జరిగాయి. మిగతా 106 ప్లాట్ల కు శనివారం, తిరిగి సోమవారం ఆన్ లైన్ వేలం ద్వారా బిడ్డింగ్ జరుగనున్నది.
