పవన్, తేజు కోసం ఇన్ని మార్పులా?

పవర్ స్టార్ పవన్ కళ్యాణ్, మెగా హీరో సాయిధరమ్ తేజ్ కాంబినేషన్లో లో “వినోదయ సీతం‘ రీమేక్ రూపొందుతోన్న విషయం తెలిసిందే. సముద్రఖని దర్శకత్వంలో పీపుల్ మీడియా ఫ్యాక్టరీ నిర్మిస్తోన్న ఈ సినిమా ఇటీవల సెట్స్ పైకి వచ్చి షూటింగ్ జరుపుకుంటుంది.  సాధ్యమైనంత త్వరగా ఈ సినిమాని పూర్తి చేసేలా మేకర్స్ ప్లాన్ చేశారు. ఈ ప్రాజెక్ట్ సెట్ కావడానికి తెర వెనుక చక్రం తిప్పింది మాత్రం మాటల మాంత్రికుడు త్రివిక్రమ్ శ్రీనివాస్.

అంతే కాకుండా ఈ చిత్రానికి సంభాషణలు.. స్క్రీన్ ప్లే కూడా త్రివిక్రమ్ అందిస్తున్నారు. ముందుగా ఈ చిత్రానికి స్ర్కీన్ ప్లే – సంభాషణలు అందించే బాధ్యతను సముద్రఖనికి ఇచ్చారు. ఆయనో వెర్షెన్ రాశారు కానీ.. అది త్రివిక్రమ్ కి నచ్చలేదట. ఆ తర్వాత బుర్రా సాయిమాధవ్ ని రంగంలోకి దింపారు. ఆయనో వెర్షెన్ రాశారు. అది కూడా త్రివిక్రమ్ కి నచ్చలేదట. అప్పుడు మహేష్ ప్రాజెక్ట్ లో బిజీగా ఉన్నప్పటికీ.. ఈ సినిమా కోసం త్రివిక్రమ్ తన వెర్షెన్ రాశారు. మన నేటీవిటీకి తగ్గట్టుగా చాలా మార్పులు చేర్పులు చేశారు. ఈ కథలో మధ్య వయసు పాత్రను తీసేసి ఓ కుర్రాడి పాత్రను క్రియేట్ చేశారు.

ఆ పాత్రకు తగ్గట్టు హీరోయిన్, లవ్ ఎపిసోడ్ ను జత చేశారట. భాద్యత లేని ఓ కుర్రాడు చనిపోయాక ఎలా బాధ్యత తెలుసుకున్నాడు అనేట్టుగా ఫైనల్ వెర్షన్ రెడీ చేశారని తెలుస్తుంది. ఇక సముద్రఖని ఫైనల్ చేసిన కాస్టింగ్ ను కూడా త్రివిక్రమ్ మార్చేశారని అంటున్నారు. ఇప్పుడు త్రివిక్రమ్ వెర్షెన్ సెట్స్ పైకి వచ్చింది. సో.. ఈ మూవీ సక్సెస్ అయినా ఫ్లాప్ అయినా ఆ క్రెడిట్ మాత్రం మాటల మాంత్రికుడు త్రివిక్రమ్ కే దక్కుతుందని టాక్ వినిపిస్తోంది. మరి.. ఈ మూవీకి బాక్సాఫీస్ దగ్గర ఎలాంటి ఫలితం వస్తుందో?

Also Read : పవన్ మూవీకి బాలయ్య టైటిల్?