05-07-2026 నుంచి 11-07-2026 వరకు
Weekly Horoscope in Telugu:
మేషం (Aries):
కార్యాల్లో ఆచితూచి వ్యవహరించాలి. చేపట్టిన పనుల పూర్తికి బాగా శ్రమించాల్సి వస్తుంది. బంధువులను కలుస్తారు. నిరుద్యోగులకు మేలు జరుగుతుంది. ఇంటికి దూరంగా వెళ్లాల్సి రావచ్చు. కోర్టు వ్యవహారాలను నిర్లక్ష్యం చేయకండి. వేళకు భోజనం ఉండదు. మాట తప్పిన ఫలితంగా నిందలు తప్పవు. ఇతరుల వ్యవహారాల్లో తలదూర్చడం వల్ల చికాకుల్లో పడతారు. వృథా ఖర్చులను తగ్గించాలి. బద్ధకం వీడి పనిచేయాలి. కీలక సమయంలో అదృష్టం తోడవుతుంది. వృథా ప్రయాణాలను తగ్గించండి. కంటి సమస్య వేధిస్తుంది.
వృషభం (Taurus):
ఆశించిన ప్రయోజనాన్ని పొందుతారు. వ్యవహారాలన్నింటా విజయం లభిస్తుంది. ధనలాభం వుంది. కుటుంబ సౌఖ్యాన్ని పొందుతారు. బంధువులతో విందులకు హాజరవుతారు. అవసరమైన సౌకర్యాలను సమకూర్చుకుంటారు. నిరుద్యోగులకు ఉద్యోగ ప్రాప్తి ఉంది. కీలక సందర్భంలో అదృష్టం కలిసి వచ్చి కష్టం నుంచి గట్టెక్కుతారు. సంతాన సంబంధ విషయాలు ఆనందాన్నిస్తాయి. శుభ కార్యాచరణ గురించి ఆలోచిస్తారు. దూర ప్రయాణాల వల్ల పెద్దగా ప్రయోజనం ఉండదు. ఇతరుల వ్యవహారాల్లో జాగ్రత్తగా వుండాలి.
మిథునం (Gemini):
యోగదాయకంగా ఉంటుంది.చేపట్టిన ప్రతి కార్యమూ విజయవంతం అవుతుంది. ఇష్టకార్యాన్ని అనుకూలం చేసుకుంటారు. బంధువులతో వినోదంగా గడుపుతారు. ఇతరులతో పోటీల్లో మీదే పైచేయి అవుతుంది. ఉద్యోగులు అధికారుల ఆదరాభిమానాలను పొందుతారు. మేలిమి అవకాశాలను అందిపుచ్చుకుంటారు. ఆత్మవిశ్వాసం పెరుగుతుంది.కొత్త పరిచయాలు లాభసాటిగా ఉంటాయి. ఆర్థిక లావాదేవీల్లో లబ్దిని పొందుతారు. రుణవిముక్తి యత్నాలు అనుకూలిస్తాయి. వారం చివరలో వృథా ఖర్చులు తగ్గించాలి.
కర్కాటకం (Cancer):
వారమంతా పట్టింది బంగారంలా ఉంటుంది. చేపట్టిన ప్రతి పనీ సఫలం అవుతుంది. అభీష్టం సిద్ధిస్తుంది. బంధువులతో విందు వినోదాల్లో పాల్గొంటారు. కొత్త వ్యక్తులు పరిచయం అవుతారు. బంధాలు బలోపేతం అవుతాయి. ఆర్థిక లావాదేవీలు తృప్తినిస్తాయి. రుణవిముక్తి యత్నాలు అనుకూలిస్తాయి. ఉద్యోగులకు మేలిమి ఫలితాలు అందుతాయి. గొప్ప అవకాశాలు కలిసివస్తాయి. సంతాన సంబంధ వ్యవహారాలు ఆనందాన్నిస్తాయి. భవిష్యత్ ప్రణాళికలు వేస్తారు. విదేశీ ప్రయాణ యత్నాలు అనుకూలిస్తాయి. ఆరోగ్యం బాగుంటుంది.
సింహం (Leo):
మిశ్రమ ఫలితాలుంటాయి. పడ్డ కష్టానికి తగ్గ ప్రతిఫలం దక్కుతుంది. ఉద్యోగ విజయం వుంది. అభీష్టం నెరవేరుతుంది. అధికారుల ఆదరాభిమానాలను పొందుతారు. నిర్ణయాల్లో స్థిరత్వం, కార్యసాధనలో ఆత్మవిశ్వాసం పెరుగుతాయి. కుటుంబంలో ప్రశాంతత నెలకొంటుంది. కొత్త బాధ్యతలను చేపడతారు. గౌరవ మర్యాదలు పెరుగుతాయి. భవిష్యత్తుకు సంబంధించిన ప్రణాళికలు వేస్తారు. గొడవలకు దూరంగా ఉండాలి. ఆత్మీయుల వ్యవహారంలో తొందరపాటు వద్దు. డబ్బుకి కాస్త ఇబ్బందిగా వుంటుంది. ఆరోగ్యం జాగ్రత్త.
కన్య (Virgo):
ఆశించిన స్థాయిలో కాకున్నా.. పనులు సజావుగానే సాగుతాయి. బద్ధకం మంచిది కాదు.అవసరమైన మేర డబ్బు చేతికి అందుతుంది. కుటుంబ సౌఖ్యం లభిస్తుంది. ఇతరులతో సత్సంబంధాలు ఏర్పడతాయి. ప్రయాణాలు ఆనందకరంగా వుంటాయి. కొత్త విషయాలను తెలుసుకుంటారు. వారం ద్వితీయార్థంలో కాస్త జాగ్రత్తగా ఉండాలి. జీర్ణ సంబంధ సమస్యలుంటాయి. ఉద్యోగులు అధికారుల కోపానికి గురవుతారు. అనుకున్న రీతిలో సౌకర్యాలు సమకూరక పోవడం వేదనకు గురిచేస్తుంది. ఆధ్యాత్మిక చింతన పెరుగుతుంది.
తుల (Libra):
చేపట్టిన కార్యాలు విజయవంతం అవుతాయి. ఆర్థిక లావాదేవీలు లాభసాటిగా వుంటాయి. మిత్రుల సహకారం లభిస్తుంది. కొత్త వస్తువులను కొంటారు. వినోదయాత్రలకు వెళతారు. కుటుంబ సభ్యులతో సంతోషంగా గడుపుతారు. జీవిత భాగస్వామి సూచనలు మేలు చేస్తాయి. శారీరక, మానసిక ప్రశాంతతను పొందుతారు. కొత్త విజ్ఞానాన్ని సమకూర్చుకుంటారు. వారం చివరలో కాస్త అప్రమత్తగా ఉండాలి. ముఖ్యంగా వాహనం నడిపేటప్పుడు జాగ్రత్త. చెప్పుడు మాటలను గుడ్డిగా నమ్మకండి. కోపాన్ని అదుపులో ఉంచుకోండి.
వృశ్చికం (Scorpio):
ప్రారంభంలో కొద్దిపాటి అడ్డంకులు ఎదురైనా సమయస్ఫూర్తితో అధిగమిస్తారు. బద్ధకం వదిలి పనిచేస్తే అన్ని కార్యాల్లోనూ శుభ ఫలితాలు అందుతాయి. బంధుమిత్రుల సహకారం లభిస్తుంది. ధనాదాయం వృద్ధి చెందుతుంది. సమాజంలో గౌరవం పెరుగుతుంది. జీవిత భాగస్వామితో అనురాగం బలపడుతుంది. కుటుంబ సౌఖ్యాన్ని ఆస్వాదిస్తారు. తీర్థయాత్రలు చేస్తారు. కొత్త పరిచయాలు ఏర్పడతాయి. బంధాలు బలపడతాయి. సంతాన విషయాలు తృప్తినిస్తాయి. భాగస్వామ్య వ్యాపారాల్లో లాభాన్ని పొందుతారు. అభీష్టం నెరవేరుతుంది.
ధనస్సు (Sagitarus):
ప్రతి వ్యవహారంలోనూ చాలా జాగ్రత్తగా ఉండాలి. బుద్ధి నిలకడ లేక తొందరపాటు నిర్ణయాలు తీసుకునే వీలుంది. బంధువుల తీరు కోపానికి కారణమవుతుంది. కార్యాలు సఫలం కాకపోవడం మానసిక అశాంతిని కలిగిస్తాయి. బద్ధకాన్ని వదిలిపెట్టాలి. తల్లి ఆరోగ్యం జాగ్రత్త. మీ తెలివితేటలకు తగిన గుర్తింపు ఉండదు. అవమానాలకు ఆస్కారముంది. సంతాన సంబంధ వ్యవహారాలు ఇబ్బంది పెడతాయి. వారం చివరలో కాస్త మెరుగ్గా ఉంటుంది. మిత్రుల సహకారంతో కీలక వ్యవహారంలో విజయం సాధిస్తారు. గౌరవానికి లోటుండదు.
మకరం (Capricorn):
కీలక వ్యవహారాలను వారం ప్రారంభంలోనే చేపట్టండి. శుభ ఫలితాలు లభిస్తాయి. అవసరానికి సరిపడా డబ్బు సమకూరుతుంది. ముఖ్యమైన సమాచారం ఆనందపరుస్తుంది. కుటుంబ సౌఖ్యాన్ని పొందుతారు. సంతానం తీరు చికాకు పెడుతుంది. స్థిరాస్తి రంగంలోని వారు అప్రమత్తంగా వ్యవహరించాలి. ఆస్తి క్రయ విక్రయాలను వాయిదా వేయడం మంచిది. కీలక సందర్భంలో మీ తెలివితేటలు అక్కరకు రావు. మనసు నిలకడగా ఉండదు. బద్ధకాన్ని వదిలి పెట్టాలి. విలువైన వస్తువులు, డాక్యుమెంట్లు జాగ్రత్త. వృథా ఖర్చులను తగ్గించాలి.
కుంభం (Aquarius):
కీలక వ్యవహారాల్లో ధైర్యసాహసాలను ప్రదర్శిస్తారు. ఆత్మవిశ్వాసం పెరుగుతుంది. వస్త్రాభరణాలను సమకూర్చుకుంటారు. ప్రియమైన వ్యక్తులను కలుస్తారు. మిత్రులు తోడుగా నిలుస్తారు. సోదరుల వ్యవహారాలు కొలిక్కి వస్తాయి. బ్యాంకు లావాదేవీలు ఇబ్బంది పెడతాయి. మానసిక అశాంతికి అవకాశం ఉంది. యోగా, వ్యాయామం మేలు చేస్తాయి. వేళకు భోజనం ఉండదు. స్థిరాస్తి వ్యవహారాలు బెడిసికొడతాయి. తల్లి ఆరోగ్యంపై శ్రద్ధ వహించాలి. బంధు విరోధం గోచరిస్తోంది. విద్యా రంగాంలోని వారు జాగ్రత్తగా ఉండాలి.
మీనం (Pisces):
కార్యాలు ఆశించినట్లే సాగుతాయి. ధనలాభం వుంటుంది. కుటుంబ అవసరాలకు తగ్గ సౌకర్యాలను సమకూర్చుకుంటారు. వాహన యోగం ఉంది. బంధువులతో విందుల్లో పాల్గొంటారు. కీలక వ్యవహారాల్లో సోదరుల అండను పొందుతారు. ఆత్మస్థైర్యం వృద్ధి చెందుతుంది. కొత్త విషయాలను గ్రహిస్తారు. నిరుద్యోగులకు శుభంగా వుంటుంది. వృత్తి ఉద్యోగాల్లో ముందంజ వేస్తారు. హామీలను విస్మరించడం వల్ల ఇబ్బందులను ఎదుర్కొంటారు. అకారణ విరోధాలకు దూరంగా ఉండాలి. ఆస్తి వ్యవహారాల్లో నిర్లక్ష్యం తగదు.
గమనిక :
జన్మరాశిని అనుసరించి ఈ ఫలితాలు చూసుకోవాలి. ఇవి, గోచార గ్రహాల సంచారాన్ని బట్టి నిర్ణయించిన స్థూల ఫలితాలు. వ్యక్తిగత జాతక ఫలితాలు తెలుసుకో దలచిన వారు, తమ జన్మ వివరాలు (పుట్టిన తేదీ, పుట్టిన సమయం, పుట్టిన ఊరు) దిగువ సూచించిన మెయిల్ ఐడీకి పంపగలరు.
శుభం భూయాత్
పి.విజయకుమార్
[email protected]
