08-06-2025 నుండి 14-06-2025 వరకూ
Weekly Horoscope in Telugu :
మేషం (Aries):
కీలకమైన కార్యక్రమాలను వారం మొదట్లోనే చేపట్టండి. ఆశించిన ఫలితాలను పొందుతారు. భాగస్వామ్య వ్యవహారాలు లాభిస్తాయి. భాగస్వామి సూచనలను పాటించడం వల్ల మేలు జరుగుతుంది. కొత్త విషయాలను తెలుసుకుంటారు. బంధువులను కలుస్తారు. ఇతరులతోనూ సత్సంబంధాలుంటాయి. వారం ద్వితీయార్థంలో అధికారులు, పెద్దల కోపానికి గురయ్యే సూచన ఉంది. శారీరక సమస్యలూ వస్తాయి. దూర ప్రాంత ప్రయాణం గోచరిస్తోంది. సంతానం తీరుతో విభేదిస్తారు. కోపాన్ని అదుపు చేయాలి. ఆధ్యాత్మిక చింతన పెరుగుతుంది.
వృషభం (Taurus):
చేపట్టిన పనులు సజావుగా సాగుతాయి. ఆర్థిక లావాదేవీలు లాభసాటిగా ఉంటాయి. కీలక వ్యవహారంలో మిత్రుల సహకారం లభిస్తుంది. నూతన వస్తు ప్రాప్తి ఉంది. బంధువులతో విందులకు హాజరవుతారు. ఆత్మీయులతో వినోదంగా గడుపుతారు. బంధాలు బలపడతాయి. ప్రయాణం ఆనందకరంగా సాగుతుంది. కీర్తి పెరుగుతుంది. విజ్ఞానాన్ని పెంచుకునే ప్రయత్నాలు చేస్తారు. శారీరక, మానసిక సౌఖ్యాన్ని పొందుతారు. వారం చివరలో.. వాహనం నడిపేటప్పుడు జాగ్రత్త. ఇష్టం లేని పనులు చేయాల్సి వస్తుంది. అజీర్తి సమస్య ఉంటుంది.
మిథునం (Gemini):
ప్రారంభంలో స్వల్ప ఒడుదుడుకులు ఎదురైనా కార్యాలు విజయవంతం అవుతాయి. స్వస్థాన ప్రాప్తి ఉంది. ఆర్థిక లబ్ది చేకూరుతుంది. నూతన వస్తువులను కొనుగోలు చేస్తారు. పుణ్యకార్యాల్లో పాల్గొంటారు. బంధు, మిత్రులతో విందు వినోదాల్లో పాల్గొంటారు. కీలక వ్యవహారాల్లో బంధువులు తోడుగా నిలుస్తారు. జీవిత భాగస్వామితో సఖ్యత పెరుగుతుంది. ప్రయాణం లాభిస్తుంది. కీర్తి పెరుగుతుంది. సంతాన సంబంధ విషయాలు ఆనందాన్నిస్తాయి. సొంత నిర్ణయాలను అమలు చేయకండి. చెడు ఆలోచనలను అదుపు చేయండి.
Weekly Horoscope in Telugu :
కర్కాటకం (Cancer):
కార్యసాధనలో బాగా శ్రమించాల్సి ఉంటుంది. ఆర్థిక లావాదేవీలు సజావుగానే సాగుతాయి. బుద్ధి నిలకడగా ఉండదు. బంధువులు, మిత్రులతోనూ తగవులు ఏర్పడతాయి. మానసిక ప్రశాంతతను కోల్పోతారు. బద్ధకం వల్ల ఇబ్బందుల్లో పడతారు. అవమానాలకు ఆస్కారం ఉంది. స్థిరాస్తి రంగంలోని వారు అప్రమత్తంగా ఉండాలి. ఆస్తి క్రయ, విక్రయాలను ఈ వారానికి వాయిదా వేసుకుంటే మంచిది. కీలక వ్యవహారాల్లో సొంత తెలెవితేటలను ఉపయోగించకండి. మిత్రుల సూచనలను పరిగణలోకి తీసుకోండి. ఆరోగ్యం మెరుగవుతుంది.
సింహం (Leo):
పనులు నెమ్మదిగా సాగుతాయి. లక్ష్య సాధనకు బాగా కష్టపడాలి. అవసరానికి సరిపడినంత డబ్బు సమకూరుతుంది. కీలక వ్యవహారంలో సోదరులు అండగా నిలుస్తారు. ఆత్మవిశ్వాసం పెరుగుతుంది. కుటుంబ సౌఖ్యాన్ని పొందుతారు. తల్లి ఆరోగ్యంపై శ్రద్ధ వహించండి. స్థిరాస్తి వ్యవహారాలకు సంబంధించిన మానసిక ఒత్తిళ్లు ఉంటాయి. మీ తెలివితేటలకు తగిన గుర్తింపు లభించదు. ఆలోచనలను అదుపు చేసుకోండి. విలువైన వస్తువులు, ఆభరణాలు జాగ్రత్త. తొందరపాటు నిర్ణయం వల్ల అభీష్టం నెరవేరదు. మిత్రులు తోడుంటారు.
కన్య (Virgo):
పనులు అనుకున్న స్థాయిలో సాగవు. తొందరపాటు నిర్ణయాలు మంచిది కాదు. బ్యాంకుతో లావాదేవీలు, వారం మధ్యలో అనుకూలిస్తాయి. ఆర్థిక చిక్కులు తప్పేలా లేవు. ధైర్యసాహసాలతో తీసుకునే కీలక నిర్ణయం మీలో ఆత్మవిశ్వాసాన్ని పెంచుతుంది. కుటుంబ సౌఖ్యాన్ని పొందుతారు. ఆత్మీయులను కలుస్తారు. అకారణ విరోధాలకు ఆస్కారముంది. ఇతరుల వల్ల ఇబ్బంది పడతారు. బుద్ధి నిలకడ లేక బంధువులతోనూ గొడవ పడతారు. సహోదరులు అండగా నిలుస్తారు. మాట తప్పడం వల్ల అవమానాలను భరించాల్సి వస్తుంది.
తుల (Libra):
పనులన్నింట్లోనూ అనుకూల ఫలితాలుంటాయి. ఆర్థిక లావాదేవీలు లాభసాటిగా ఉంటాయి. చక్కటి సౌకర్యాలను సమకూర్చుకుంటారు. వాహన యోగం ఉంది. కుటుంబ సౌఖ్యం లభిస్తుంది. శారీరక, మానసిక ప్రశాంతతను పొందుతారు. కీలకమైన సమాచారం ఆనందపరుస్తుంది. సోదరులతో సఖ్యత వృద్ధి చెందుతుంది. ధైర్యసాహసాలను ప్రదర్శిస్తారు. ప్రియమైన వారితో సంభాషణ ఉత్తేజాన్నిస్తుంది. అకారణ విరోధాలుంటాయి జాగ్రత్త. వేళకు భోజనం ఉండదు. ఎవరికీ పూచీలు ఇవ్వకండి. కంటి సమస్యను నిర్లక్ష్యం చేయకండి.
Weekly Horoscope in Telugu :
వృశ్చికం (Scorpio):
పనులు ఆశించిన స్థాయిలో జరగవు. అడుగడుగునా ఆటంకాలు ఎదురవుతాయి. అదృష్టం తోడుగా నిలవడంతో, ముఖ్యమైన వ్యవహారంలో సురక్షితంగా బయటపడతారు. దూర ప్రాంతానికి వెళ్లే సూచన ఉంది. ఇంటికి దూరంగా గడపాల్సిన పరిస్థితులున్నాయి. కోర్టు వ్యవహారాల్లో జాగ్రత్త. అనూహ్యమైన ఖర్చులుంటాయి. ఇతరులతో జాగ్రత్తగా మెలగడండి. అనవసర వాదనలకు దిగకండి. మిత్రులే శత్రువులయ్యే వీలుంది.కుటుంబ వ్యవహారాలపై దృష్టి సారించండి. ఆరోగ్యం మెరుగ్గా ఉంటుంది. దైవచింతన మేలు చేస్తుంది.
ధనస్సు (Sagitarus):
పరిస్థితులు అనుకూలంగా ఉంటాయి. ప్రయత్నాలు కొలిక్కి వస్తాయి. కొత్త స్నేహాలు లాభసాటిగా సాగుతాయి. ఆర్థికంగా లాభపడతారు. చక్కటి సౌకర్యాలను సమకూర్చుకుంటారు. మీరున్న రంగంలో అభివృద్ధి దిశగా అడుగులు పడతాయి. కుటుంబ సౌఖ్యాన్ని పొందుతారు. బంధు,మిత్రులతో విందు వినోదాల్లో పాల్గొంటారు. మానసిక స్థితి ఉత్సాహకరంగా ఉంటుంది. ఇంటికి దూరంగా గడపాల్సిన పరిస్థితి గోచరిస్తోంది. కోర్టు వ్యవహారాల్లో అప్రమత్తంగా ఉండండి. వ్యర్థ ప్రయాణాలు మానండి. వృథా ఖర్చులు తగ్గించుకోండి.
మకరం (Capricorn):
మేలిమి కాలం నడుస్తోంది. అనుకున్న లక్ష్యాలన్నింటినీ తేలిగ్గా చేరుకుంటారు. యత్నకార్యాలన్నీ శుభ ఫలితాలనిస్తాయి. ఆర్థిక ప్రయోజనాలు అందుతాయి. ఇతరులతో విరోధం ఏర్పడినా మీరే విజేతగా నిలుస్తారు. బంధువులతో విందు వినోదాల్లో పాల్గొంటారు. ఆత్మవిశ్వాసం పెరుగుతుంది. అవకాశాలు అందివస్తాయి. గౌరవ మర్యాదలు పెరుగుతాయి. కుటుంబంలో శాంతి నెలకొంటుంది. కొత్త పరిచయాలు ఏర్పడతాయి. సంతాన సంబంధ శుభవార్త అందుతుంది. కోర్టు వ్యవహారాలను నిర్లక్ష్యం చేయకండి. వృథా ఖర్చు తగ్గించండి.
కుంభం (Aquarius):
అత్యంత శుభప్రదంగా ఉంటుంది. అభీష్టం నెరవేరుతుంది. చేపట్టిన ప్రతి కార్యమూ సఫలం అవుతుంది. ప్రత్యర్థులపై విజయం సాధిస్తారు. అధికారులు, పెద్దల అభిమానాన్ని పొందుతారు. స్థిరత్వం వృద్ధి చెందుతుంది. కుటుంబంలో ప్రశాంతత ఉంటుంది. సామాజిక గౌరవం పెరుగుతుంది. కొత్త స్నేహాలు బలపడతాయి. రుణ చెల్లింపు ప్రయత్నాలు అనుకూలిస్తాయి. ఆరోగ్యం మెరుగ్గా ఉంటుంది. ప్రయాణాలు లాభిస్తాయి. సంతాన సంబంధ వ్యవహారాలు ఆనందాన్ని పెంచుతాయి. శుభకార్యాల్లో పాల్గొంటారు. అవసరమైన వేళ అందరూ మీకు తోడుగా నిలుస్తారు. విదేశీ ఉద్యోగ ప్రయత్నాలు అనుకూలిస్తాయి.
మీనం (Pisces):
అప్రమత్తంగా ఉండండి. పనులు నెమ్మదిగా సాగుతాయి. బాగా శ్రమిస్తేనే సత్ఫలితాలుంటాయి. ఆర్థికంగా మెరుగైన పరిస్థితి ఉంటుంది. తగాదాలకు ఆస్కారముంది. వృత్తి, ఉద్యోగ వ్యాపార రంగాల్లోని వారికి శుభ ఫలితాలు అందుతాయి. ప్రేమ వ్యవహారాలు అంతగా అనుకూలించవు. వాహనం నడిపేటప్పుడు జాగ్రత్త. ఇతరులపై చెడు అభిప్రాయాలు ఏర్పడతాయి. ఆత్మవిశ్వాసంతో ప్రతికూల పరిస్థితులను అధిగమిస్తారు. కోపావేశంలో మేలిమి అవకాశాలను కాలదన్నుకోకండి. కొత్త బాధ్యతలు స్వీకరించే అవకాశాలు ఉన్నాయి.
గమనిక :
జన్మరాశిని అనుసరించి ఈ ఫలితాలు చూసుకోవాలి. ఇవి, గోచార గ్రహాల సంచారాన్ని బట్టి నిర్ణయించిన స్థూల ఫలితాలు. వ్యక్తిగత జాతక ఫలితాలు తెలుసుకో దలచిన వారు, తమ జన్మ వివరాలు (పుట్టిన తేదీ, పుట్టిన సమయం, పుట్టిన ఊరు) దిగువ సూచించిన మెయిల్ ఐడీకి పంపగలరు.
శుభం భూయాత్
పి.విజయకుమార్
[email protected]
