స్వదేశంలో జరుగుతోన్న ఎఫ్ఐహెచ్ పురుషుల వరల్డ్ కప్ హాకీ-2023 టోర్నమెంట్ లో ఆతిథ్య ఇండియా పోరు ముగిసింది. న్యూజిలాండ్ తో నేడు జరిగిన క్రాస్ ఓవర్స్ మ్యాచ్ పెనాల్టీ షూటౌట్ లో విఫలమై టోర్నీ నుంచి నిష్క్రమించింది.
రెగ్యులర్ సమయంలో ఇరు జట్లూ 3-3తో సమంగా నిలిచాయి. దీనితో షూటౌట్ కు వెళ్ళాల్సి వచ్చింది. అక్కడ కూడా 3-3 తో సమంగా నిలిచాయి, దీనితో సడన్ డెత్ ఆడాల్సి వచ్చింది. కివీస్ గోల్ కీపర్ హేవార్డ్ లియోన్ భారత ఆటగాళ్లను ధీటుగా ఎదుర్కొన్నాడు. చివరకు 4-5 తో న్యూజిలాండ్ పైచేయి సాధించి క్వార్టర్స్ లో అడుగు పెట్టగా ఇండియా నిరాశతో టోర్నీని ముగించింది.
