సూపర్ స్టార్ మహేష్‌ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్లో అతడు, ఖలేజా తర్వాత హ్యాట్రిక్ మూవీ మొదలైన సంగతి తెలిసిందే. ఈ భారీ, క్రేజీ మూవీని ప్రముఖ నిర్మాణ సంస్థ హారిక అండ్ హాసిని క్రియేషన్స్ బ్యానర్ పై రాధాకృష్ణ నిర్మిస్తున్నారు. సెన్సేషనల్ మ్యూజిక్ డైరెక్టర్ ఎస్ఎస్ థమన్ సంగీతం అందిస్తున్నారు.
అయితే.. ఈ మూవీ షూటింగ్ స్టార్ట్ చేసి ఫస్ట్ షెడ్యూల్ కంప్లీట్ చేసిన తర్వాత సూపర్ స్టార్ కృష్ణ చనిపోవడంతో షూటింగ్ కి బ్రేక్ పడింది. ఇప్పటి వరకు సెకండ్ షెడ్యూల్ స్టార్ట్ చేయలేదు. ఈ సినిమా గురించి లేటెస్ట్ గా యంగ్ అండ్ డైనమిక్ ప్రొడ్యూసర్ నాగవంశీ మాట్లాడుతూ జనవరి 18 నుంచే తాజా షెడ్యూల్ మొదలవుతోందని కన్ఫర్మ్ చేశారు.
ముందుగా ప్రకటించినట్లు ఆగస్ట్ 11 న రిలీజ్ చేయడానికి ప్లాన్ చేస్తున్నామని చెప్పారు. అంతే కాకుండా.. ఈ సినిమాలో పూజా హేగ్డే ఫస్ట్ హీరోయిన్ అని.. శ్రీలీల సెకండ్ హీరోయిన్ అంటూ వస్తున్న వార్తలపై స్పందిస్తూ “ఇద్దరికీ సమానంగా పాత్రలు ఉంటాయి. ఒకరు ఫస్ట్, ఇంకొకరు సెకండ్ అనే తేడాలు లేవు’ అంటూ క్లారిటీ ఇచ్చారు.
