నాని నటించిన లేటెస్ట్ మూవీ ‘దసరా‘. ఈ చిత్రంలో నానికి జంటగా కీర్తి సురేష్‌ నటించింది. శ్రీకాంత్ ఓదెల ఈ చిత్రానికి దర్శకత్వం వహించారు. నాని చేసిన ఫస్ట్ పాన్ ఇండియా మూవీ. పైగా ఈ మూవీ ఊర మాస్ అనేలా ఉండడం.. ఈ మూవీ టీజర్ అండ్ సాంగ్స్ కు అనూహ్య స్పందన రావడంతో దసరా మూవీ పై భారీ అంచనాలు ఉన్నాయి. తెలంగాణ నేపధ్యంలో రూపొందిన దసరా మూవీ పై నాని చాలా ఆశలు పెట్టుకున్నాడు. తన మార్కెట్ ను పెంచడంతో పాటు తన ఇమేజ్ ను పూర్తిగా మార్చేసే సినిమా అవుతుందని గట్టి నమ్మకంతో ఉన్నాడు.
అయితే.. దసరా చిత్రాన్ని మార్చి 30న విడుదల చేస్తున్నారు. ఈ రోజుల్లో ప్రమోషన్స్ చాలా ముఖ్యం. ఇంకా చెప్పాలంటే.. ఓ సినిమా తీయడం ఒక ఎత్తు అయితే.. దానిని జనాల్లోకి తీసుకెళ్లడం మరో ఎత్తు. మేకింగ్ ఎంత ప్రాధాన్యత ఉందో.. ప్రమోషన్స్ కి కూడా అంతే ప్రాధాన్యత ఏర్పడింది. రాజమౌళి ప్రమోషన్స ని కొత్త పుంతల తొక్కించాడు. ఇప్పుడు అదే బాటలో మిగతా వారు పయనిస్తున్నారు. నాని కూడా దసరా మూవీ కోసం అదే దారిలో నడుస్తూ విస్తృతంగా ప్రమోట్ చేయాలి అనుకుంటున్నాడు. ఈ సినిమా ప్రమోషన్స్ కోసం ఏకంగా నెల రోజులు కేటాయించాడు.
కొందరు నెల రోజుల్లో ఒక సినిమాని పూర్తి చేసుకుంటారు కానీ.. నాని ఈ సినిమా ప్రమోషన్స్ కోసం నెల రోజులు కేటాయించడం విశేషం. దసరా పాన్ ఇండియా మూవీ. అందుచే ఆ మాత్రం చేయాలి. పాన్ ఇండియా మూవీ తీయడం కాదు.. పాన్ ఇండియా రేంజ్ లో ప్రచారం చేయాలి. ఇది బాగా తెలుసుకున్న నాని దేశ వ్యాప్తంగా తిరిగి ప్రచారం చేసేందుకు రెడీ అవుతున్నాడు. ఈ మూవీ టీమ్ అంతా చాలా నమ్మకంగా ఉన్నారు. మార్చి 30న దసరా మూవీ విడుదల. మరి… నాని నెల రోజుల ప్రమోషన్స్ ప్లాన్ వర్కవుట్ అవుతుందో లేదో..?
