ప్రభాస్, ఓంరౌత్ కాంబినేషన్ లో రూపొందుతోన్న భారీ చిత్రం ‘ఆదిపురుష్‘. ఈ చిత్రం రామాయణం ఆధారంగా రూపొందుతోందని తెలిసినప్పటి నుంచి మూవీ పై భారీ అంచనాలు ఏర్పడ్డాయి. ఇందులో ప్రభాస్ రాముడుగా నటిస్తే.. కృతి సనన్ సీతగా నటించింది. సైఫ్ ఆలీఖాన్ రావణుడుగా నటించారు. ఆమధ్య రిలీజ్ చేసిన టీజర్ కు మిశ్రమ స్పందన వచ్చింది. ముఖ్యంగా గ్రాఫిక్స్ సరిగాలేవనే టాక్ రావడంతో మళ్లీ గ్రాఫిక్స్ పై వర్క్ చేస్తున్నారు. క్వాలిటీ కంటెంట్ ఇవ్వడానికి ఓంరౌత్ మరింతగా పోస్ట్ ప్రొడక్షన్ వర్క్ పై కాన్ సన్ ట్రేషన్ చేస్తున్నారు.
ఇదిలా ఉంటే.. ఈ మూవీలో సీతగా నటించిన కృతి సనన్ మహేష్‌ బాబు ‘వన్ నేనొక్కడినే’ సినిమాతో సినీ ఇండస్ట్రీలో ఎంట్రీ ఇచ్చింది. దిల్ వాలే, లూకా చప్పీ, మిమి చిత్రాలతో ప్రేక్షకులను అలరించారు. బాలీవుడ్ నుంచి వరుసగా అవకాశాలు రావడంతో అక్కడే సినిమాలు చేస్తూ సెటిలైంది. ఇక ఈ భామకు గత ఏడాది నుంచి అవకాశాలు వస్తున్నప్పటికీ.. టైమ్ మాత్రం కలిసి రావడం లేదు. టైగర్ ష్రాఫ్ తో హీరో పంతి-2, అక్షయ్ కుమార్ తో బచ్చన్ పాండే, వరుణ్ ధావన్ తో బెడియ, ఇక కార్తిక్ ఆర్యన్ తో షెహజాదా సినిమాల్లో నటించింది. ఈ సినిమాలు ఏవీ కూడా సక్సస్ సాధించలేదు.. బాక్స్ ఆఫీస్ వద్ద బోల్తా పడ్డాయి.
దీంతో కృతి సనన్ ఐరన్ లెగ్ అనే టాక్ వినిపిస్తుంది. ఇప్పుడు ఇదే ప్రభాస్ ఫ్యాన్స్ ని తెగ టెన్షన్ పెడుతుంది. ఈ మూవీ టీజర్ కూడా ప్రేక్షకులను ఆశించిన స్థాయిలో మెప్పించలేదు. సోషల్ మీడియాలో దారుణమైన ట్రోలింగ్ కు గురయ్యింది. ఆదిపురుష్ మూవీతో కృతి సనన్ ఫ్లాపుల పరంపర కొనసాగుతుందా..? లేక ఫుల్ స్టాప్ పడుతుందా..? ఆదిపురుష్ బ్లాక్ బస్టర్ అవుతుందా..? అని ప్రభాస్ ఫ్యాన్స్ టెన్షన్ పడుతున్నారట. మరి.. ఆదిపురుష్ చిత్రానికి ఎలాంటి ఫలితం వస్తుందో చూడాలి.
Also Read : చెప్పిన టైమ్ కే వస్తానంటున్న ‘ఆదిపురుష్’
